ບໍລິສັດການບິນມາເລເຊຍເປີດເຜີຍຢູ່ນະຄອນຫຼວງກົວລາລຳເປີວ່າ: ປີນີ້ບໍລິສັດຕົນໄດ້ເປີດບໍລິການເສັ້ນທາງການບິນໃໝ່ອີກ 11 ເສັ້ນ ເຊິ່ງເປັນການສ້າງສະຖິຕິໃໝ່ໃນປະຫວັດສາດ, ຂະນະທີ່ປີໜ້າຈະເພີ່ມອີກ 26 ເສັ້ນ.
ໃນ 9 ເດືອນຜ່ານມາ, ອັດຕາຜູ້ໂດຍສານຂອງບໍລິສັດການບິນມາເລເຊຍເພີ່ມຂຶ້ນ 15%, ຂະນະທີ່ໃນ 12 ເດືອນຜ່ານມາ ໄດ້ບັນລຸເຖິງ 90% ເຊິ່ງເປັນອັດຕາສ່ວນສູງສຸດຂອງບໍລິສັດການບິນຕ່າງໆໃນໂລກ ແລະມີຜົນເຮັດໃຫ້ບໍລິສັດການບິນອາເມລິກາ, ອັງກິດ ແລະ ສິງກະໂປໝົດສິດແຂ່ງຂັນ.