ຕາມຂ່າວCRI: ວັນທີ 3 ພຶດສະພານີ້, ທ່ານ ລີລາ ມານີ ບາວຢານ ເອກອັກຄະລັດຖະທູດເນປານປະຈຳຈີນໄດ້ເດີນທາງຢ້ຽມຢາມວິທະຍຸສາກົນແຫ່ງປະເທດຈີນຫຼື CRI ແລະໃນໂອກາດດັ່ງກ່າວກໍໄດ້ສົນທະນາຢ່າງມີໄມຕີຈິດມິດຕະພາບກັບທ່ານ ຫຼີຜິງ ຮອງບັນນາທິການໃຫຍ່ວິທະຍຸສາກົນແຫ່ງປະເທດຈີນຫຼື CRI ພ້ອມທັງໄດ້ໃຫ້ສຳພາດຕໍ່ນັກຂ່າວພະແນກພາສາເນປານ.
ທ່ານ ບາວຢານ ກ່າວວ່າ: ໃນກາງເດືອນນີ້, ຮອງນາຍົກລັດຖະມົນຕີແລະລັດຖະມົນຕີກະຊວງເສດຖະກິດເນປານຈະນຳພາຄະນະຜູ້ແທນມາເຂົ້າຮ່ວມກອງປະຊຸມສຸດຍອດເວທີປຶກສາຫາລືການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ" ທີ່ຈະຈັດຂຶ້ນຢູ່ປັກກິ່ງ, ພ້ອມທັງຈະເຊັນສັນຍາໂຄງການຮ່ວມມືຕ່າງໆ. ສຳລັບຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ຈະສ້າງຜົນປະໂຫຍດທີ່ແທ້ຈິງໃຫ້ແກ່ເນປານໃນການກໍ່ສ້າງພື້ນຖານໂຄງລ່າງຄົມມະນາຄົມ,ການພັດທະນາພະລັງງານ,ກະສິກຳ,ຂະແໜງການທ່ອງທ່ຽວແລະຂົງເຂດອື່ນໆ ເຊິ່ງຈະເຮັດໃຫ້ເນປານໄດ້ຮັບການພັດທະນາຢ່າງຫຼວງຫຼາຍ. ຈາກນີ້ຈຶ່ງຂໍອວຍພອນໃຫ້ກອງປະຊຸມສຸດຍອດເວທີປຶກສາຫາລືການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ" ປະສົບຜົນສຳເລັດຢ່າງຈົບງາມ.
