ຫວ່າງມໍ່ໆມານີ້, ເງິນສົດຈຳນວນ 10 ລ້ານ 7 ແສນຢວນຂອງທະນາຄານຈີນສາຂາພະນົມເປັນໄດ້ຂົນສົ່ງຈາກຊຽມລຽບເຖິງຮົງກົງຈີນແລະຝາກໄວ້ໃນບັນຊີທະນາຄານຈີນຢູ່ຮົງກົງແລ້ວ ແລະນີ້ເປັນການສະແກດງໃຫ້ເຫັນວ່າ, ເງິນຢວນຈີນທີ່ຫັນເປັນສາກົນນັ້ນ ໄດ້ມີຄວາມຄືບໜ້າຕື່ມອີກຢູ່ກຳປູເຈຍ. ຜົນສຳເລັດຂອງການຊຳລະເງິນຄັ້ງນີ້ ມີຜົນດີຕໍ່ການຈໍລະຈອນເງິນສົດຈີນຢູ່ກຳປູເຈຍ ແລະຍົກສູງອິດທິພົນຂອງທະນາຄານຈີນທີ່ເປັນທະນາຄານຊຳລະເງິນຢວນຈີນຢູ່ປະເທດດັ່ງກ່າວ.
ປັດຈຸບັນ, ກຳປູເຈຍ ເປັນປະເທດທີ່ມີສະຖານທີ່ທ່ອງທ່ຽວທີ່ໄດ້ຮັບຄວາມນິຍົມຊົມຊອບທີ່ສຸດໃນອາຊີຕາເວັນອອກສຽງໃຕ້ ແລະເງິນຢວນຈີນ ກໍຄ່ອຍໆກາຍເປັນເງິນຕາສະກຸນໃຫຍ່ທີສາມ ຖັດຈາກໂດລາສະຫະລັດ ແລະເງິນກຳປູເຈຍ ໃນຕະຫຼາດກຳປູເຈຍ. ທ່ານ ເຊີນຊາງຈ່ຽງ ຜູ້ອຳນວຍການໃຫຍ່ທະນາຄານຈີນສາຂາພະນົມເປັນ ໃຫ້ຮູ້ວ່າ, ທະນາຄານກາງກຳປູເຈຍ ໄດ້ເອົາເງິນຢວນຈີນເຂົ້າສູ່ຄັງສຳຮອງເງິນຕາຕ່າງປະເທດ, ຈາກນັ້ນ ຈະທົດລອງດຳເນີນທຸລະຝາກແລະຖອນເງິນສົດຈີນຢູ່ທະນາຄານກາງສາຂາແຂວງຊຽມລຽບ ແລະຂະຫຍາຍໄປສູ່ທະນາຄານທຸລະກິດຕ່າງໆໃນປະເທດດັ່ງກ່າວ.