ທ່ານ ອັນຊົກຮິມ ຫົວໜ້າພະແນກຄຸ້ມຄອງລົດເມນະຄອນຫຼວງພະນົມເປັນ ກ່າວໃນວັນທີ 3 ພຶດສະພານີ້ວ່າ, ລົດເມຮ້ອຍຄັນທີ່ໄດ້ຮັບການຊ່ວຍເຫຼືອຈາກຈີນນັ້ນ ຈະແລ່ນບໍລິການຢູ່ພະນົມເປັນ.
ປັດຈຸບັນ, ຢູ່ໃຈກາງເມືອງພະນົມເປັນ ມີລົດເມ 57 ຄັນແລ່ນບໍລິການໃນສາມສາຍ ໂດຍທ່ານ ເກັບຊຸກເຕມາ ເຈົ້າຄອງນະຄອນຫຼວງພະນົມເປັນກ່າວວ່າ, ປັດຈຸບັນ, ການດຳເນີນທຸລະກິດລົດເມປະສົບບັນຫາການຂາດທຶນ ແຕ່ອຳນາດການປົກຄອງຍັງຈຳເປັນຕ້ອງສຸມໃສ່ການບໍລິການຂອງລົດເມ.
ທ່ານ ອັນຊົກຮິມ ກ່າວວ່າ,ຕາມແຜນແລ້ວ, ລົດເມທີ່ຈະປະກອບແລ່ນບໍລິການຢູ່ສາຍໃໝ່ນັ້ນຈະເນັ້ນໃສ່ຈຸດທີ່ມີວິສາຫະກິດ, ບ່ອນພັກອາໄສ, ໂຮງຮຽນ,ໂຮງໝໍ ແລະຕະຫຼາດ.
ທ່ານ ເມສຈັນຢາດາ ໂຄສົກຜູ້ໃໝ່ຂອງອຳນາດການປົກຄອງພະນົມເປັນເປີດເຜີຍຮູ້ວ່າ, ນັບແຕ່ເປີດບໍລິການລົດເມໃນປີ 2014 ເປັນຕົ້ນມາ, ໄດ້ຂາດທຶນ 2 ລ້ານກວ່າໂດລາ.
 |
