ສ ເກົາຫຼີເລືອກຕັ້ງປະທານາທິບໍດີລ່ວງໜ້າເປັນຄັ້ງທຳອິດ

ສ ເກົາຫຼີໄດ້ດຳເນີນການປ່ອນບັດເລືອກຕັ້ງປະທານາທິບໍດີຊຸດທີ 19 ລ່ວງໜ້າເປັນຄັ້ງທຳອິດໃນວັນທີ 4 ພຶດສະພານີ້.

"ການເລືອກຕັ້ງປະທານາທິບໍດີລ່ວງໜ້າ"  ຄືການອະນຸຍາດໃຫ້ຜູ້ມີສິດເລືອກຕັ້ງໄດ້ໃຊ້ສິດລົງຄະແນນລ່ວງໜ້າເນື່ອງຈາກອາດຈະພົບສາເຫດໃດໜຶ່ງໃນວັນເລືອກຕັ້ງປະທານາທິບໍດີ, ຂະນະດຽວກັນກໍຫວັງເຮັດໃຫ້ຜູ້ມີສິດເລືອກຕັ້ງກະຕືລືລົ້ນຫຼາຍຂຶ້ນ. ສ່ວນເວລາການປ່ອນບັດລ່ວງໜ້າໄດ້ກຳນົດແຕ່ 6 ໂມງຫາ 18 ໂມງຂອງວັນທີ 4-5 ພຶດສະພານີ້ໂດຍຜູ້ມີສິດເລືອກຕັ້ງສາມາດຖືບັດຢັ້ງຢືນສິດໄປປ່ອນບັດຢູ່ໜ່ວຍເລືອກຕັ້ງທຸກແຫ່ງໄດ້ໃນທົ່ວປະເທດແລະບັດທີ່ລົງຄະແນນລ່ວງໜ້າຈະໄດ້ນັບລວມເປັນຄັ້ງສຸດທ້າຍຫຼັງສຳເລັດການເລືອກຕັ້ງທົ່ວໄປ.

ເນື່ອງຈາກນາງປັກກຸນເຮຖືກຖອນອອກຕຳແໜ່ງ, ການເລືອກຕັ້ງປະທານາທິບໍດີສ ເກົາຫຼີຈະຈັດຂຶ້ນໃນເດືອນທັນວາປີນີ້ແລະດ້ວຍເຫດຜົນດັ່ງກ່າວຈຳເປັນຕ້ອງໄດ້ເລືອກຕັ້ງລ່ວງໜ້າໃນວັນທີ 9 ພຶດສະພານີ້.