ເຮືອບິນC919 ເຊິ່ງເປັນເຮືອບິນໂດຍສານຂະໜາດໃຫຍ່ທີ່ຈີນຜະລິດເອງລຳທຳອິດໄດ້ບິນຂຶ້ນຈາກສະໜາມບິນຜູຕຸ່ງນະຄອນຊຽງໄຮໃນວັນທີ 5 ພຶດສະພານີ້ ໂດຍກາຍເປັນຂີດໝາຍສະແດງໃຫ້ເຫັນວ່າ ຄວາມຝັນແລະຄວາມພະຍາຍາມສູ້ຊົນຜະລິດເຮືອບິນຂະໜາດໃຫຍ່ຂອງຄົນຈີນມາເປັນເວລາ 10 ປີນັ້ນໄດ້ປາກົດຜົນເປັນຈິງແລ້ວ.
ນັບແຕ່ສ້າງຕັ້ງໂຄງການຄົ້ນຄວ້າຜະລິດເຮືອບິນຂະໜາດໃຫຍ່ຢ່າງເປັນທາງການເມື່ອເດືອນກຸມພາ2007ລວມທັງສຳເລັດການຜະລິດເຮືອບິນ C919ໃນວັນທີ 2 ພະຈິກ 2015 ແລະການບິນເທື່ອທຳອິດໃນວັນທີ 5 ພຶດສະພາ 2017 ນີ້ເປັນຜົນມາກຈາກການວາງແຜນແລະບຸກທະລຸເຕັກນິກທີ່ເປັນຂໍກະແຈ 102 ລາຍການຂອງນັກຄົ້ນຄວ້າວິທະຍາສາດຈີນ ແລະໃນທີ່ສຸດກໍປະສົບຜົນສຳເລັດໃນການຜະລິດເຮືອບິນຂະໜາດໃຫຍ່ລຳທຳອິດຄືດັ່ງກ່າວ.
ການກຳເນີດເກີດຂຶ້ນຂອງເຮືອບິນ C919ຈະສົ່ງຜົນເຮັດໃຫ້ເກີດການປະຕິຮູບພາກການຍາດແຍ່ງຕະຫຼາດການບິນຂອງໂລກເຊິ່ງນອກຈາກແອບັສແລະໂບອີງແລ້ວ, ບໍລິສັດການບິນສາກົນແລະຜູ້ໂດຍສານກໍໄດ້ມີທາງເລືອກທີ 3 ອີກຄືຈະເຮັດໃຫ້ການເດີນທາງດ້ວຍເຮືອບິນໃນລາຄາທີ່ເໝາະສົມກວ່າແລະກໍສະດວກສະບາຍກວ່າ.
ແນວໃດກໍດີກໍສາມາດຄາດຄະເນໄດ້ວ່າ: ເມື່ອເຮືອບິນໃຫຍ່ຂອງຈີນບິນຂຶ້ນສູ່ທ້ອງຟ້ານັບມື້ຫຼາຍຂຶ້ນ, ສະພາບຕະຫຼາດເຮືອບິນຂອງໂລກອາດຈະເກີດການປ່ຽນແປງ,ສ່ວນຜູ້ໄດ້ຮັບຜົນປະໂຫຍດໃນທີ່ສຸດກໍຄືຜູ້ໂດຍສານເຮືອບິນໃນທົ່ວໂລກນັ້ນເອງ.
ເຮືອບິນຂະໜາດໃຫຍ່ຈີນກໍຈະກາຍເປັນສັນຍະລັກແຫ່ງ "ຈີນປະດິດສ້າງ"ທີ່ກ້າວສູ່ໂລກອີກກ້າວໜຶ່ງຖັດຈາກລົດໄຟຄວາມໄວສູງແລະໄຟຟ້ານິວເຄລຍ.
