ຫ້ອງການປະສານງານມະນຸດສະທຳຂອງອົງການສະຫະປະຊາຊາດ ໄດ້ປະກາດໃນວັນທີ 4 ພຶດສະພານີ້ຢູ່ປະເທດໂຊມາລີ ວ່າ: ພະຍາດອະຫິວາທີ່ແຜ່ລະບາດຢູ່ປະເທດດັ່ງກ່າວ ໄດ້ເຮັດໃຫ້ 32.000 ຄົນຕິດພະຍາດ, ໃນນີ້ເສຍຊີວິດແລ້ວ 618 ຄົນ.
ຫ້ອງການດັ່ງກ່າວແຈ້ງວ່າ: ມີ 13 ລັດໃນ 18 ລັດປະເທດໂຊມາລີໄດ້ເກີດພະຍາດອະຫິວາແຜ່ລະບາດ ແລະການແຜ່ລະບາດເທື່ອນີ້ເປັນຜົນມາຈາກນ້ຳບໍ່ສະອາດ, ສະພາບສາທາລະນະສຸກບໍ່ດີ ແລະອື່ນໆ ເນື່ອງຈາກເກີດໄພແຫ້ງແລ້ງ. ຂະນະດຽວກັນ, ປະຊາກອນເຄື່ອນຍ້າຍເປັນຈຳນວນຫຼວງຫຼາຍຍ້ອນໄພອຶດຫິວ ກໍສົ່ງຜົນເຮັດໃຫ້ພະຍາດແຜ່ລະບາດເປັນບໍລິເວນກວ້າງຕື່ມອີກ ແລະໃນໂອກາດທີ່ລະດູຝົນໄດ້ວຽນມາເຖິງ, ພະຍາດອະຫິວາອາດຈະສືບຕໍ່ແຜ່ລະບາດຢູ່ໂຊມາລີ.
