ຕາມຂ່າວສານຊິນຮວາ: ທ່ານຕາເກເຮໂກ ນາກາໂອ ຜູ້ວ່າການທະນາຄານພັດທະນາອາຊີ ຫຼື ADB ກ່າວທີ່ເມືອງໂຢໂກຮາມາປະເທດຍີ່ປຸ່ນໃນວັນທີ 4 ພຶດສະພານີ້ວ່າ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ເປັນ "ແຜນການທີ່ດີຫຼາຍ" ເຊິ່ງຈະສາມາດເຊື່ອມຕໍ່ພາກພື້ນອາຊີກັບເອີລົບ ລວມທັງພາກພື້ນໄດ້ຢາງກວ້າງຂວາງກວ່ານີ້ ແລະດ້ວຍການເຫັນວ່າ ການສ້າງພື້ນຖານໂຄງລ່າງຈະຊຸກຍູ້ໃຫ້ເສດຖະກິດພາກພື້ນຈະເລີນຮຸ່ງເຮືອງ, ທະນາຄານພັດທະນາອາຊີຈິ່ງພ້ອມຈະຈັບມືກັບຈີນເພື່ອເລື່ອງນີ້ເປັນສິ່ງສຳຄັນ.
ສຳລັບການຮ່ວມມືລະຫວ່າງທະນາຄານພັດທະນາອາຊີກັບທະນາຄານລົງທຶນການກໍ່ສ້າງພື້ນຖານໂຄງລ່າງອາຊີນັ້ນ, ທ່ານໄດ້ກ່າວວ່າ, ສອງຝ່າຍສາມາດຮ່ວມມືກັນໃນຂົງເຂດກໍ່ສ້າງພື້ນຖານໂຄງລ່າງ ເຊິ່ງທະນາຄານລົງທຶນການກໍ່ສ້າງພື້ນຖານໂຄງລ່າງອາຊີເນັ້ນໃສ່ການກໍ່ສ້າງພື້ນຖານໂຄງລ່າງເປັນຕົ້ນຕໍດ ຂະນະທີ່ທະນາຄານພັດທະນາອາຊີນອກຈາກໄດ້ເຂົ້າຮ່ວມໂຄງການກໍ່ສ້າງພື້ນຖານໂຄງລ່າງແລ້ວ, ຍັງລົງທຶນໃສ່ໂຄງການສະຫວັດດີການບຳນານ, ການສຶກສາ ແລະອື່ນໆ ໂດຍສອງຝ່າຍສາມາດຊ່ວຍຊູຍູ້ໜູນການຮ່ວມມືກັນໄດ້ເປັນຢ່າງ.