ຕາມຂ່າວສານຈີນ: ທ່ານໂມຮາເມັດ ນາສ໌ຣີ ອັບດຸນ ອາຊິສ໌ ລັດຖະມົນຕີກະຊວງທ່ອງທ່ຽວແລະວັດທະນະທຳມາເລເຊຍກ່າວທີ່ນະຄອນຫຼວງກົວລາລຳເປີວ່າ, ປີ 2017 ຈະມີນັກທ່ອງທ່ຽວຈີນ 3 ລ້ານເທື່ອຄົນມາທ່ຽວປະເທດຕົນ.
ທັງນີ້ໃນສາມເດືອນທຳອິດປີ 2017, ມາເລເຊຍໄດ້ຕ້ອນຮັບນັກທ່ອງທ່ຽວຈີນ 5 ແສນ 5 ໝື່ນເທື່ອຄົນແລ້ວ ເຊິ່ງເພີ່ມຂຶ້ນ 10,3% ເມື່ອທຽບໃສ່ໄລຍະດຽວກັນຂອງປີຜ່ານມາ. ຈາກນີ້ ທ່ານນາສ໌ຣີຈິ່ງຫວັງໃຫ້ນັກທ່ອງທ່ຽວຈີນມາທ່ຽວມາເລເຊຍຫຼາຍກວ່າ 4 ລ້ານເທື່ອຄົນໃນປີ 2018 ແລະດຶງດູດໃຫ້ໄດ້ເຖິງ 8 ລ້ານເທື່ອຄົນໃນປີ 2020.
ທ່ານຫວງຮຸ້ຍຄາງ ເອກອັກຄະລັດຖະທູດຈີນປະຈຳມາເລເຊຍເປີດເຜີຍວ່າ, ນັກທ່ອງທ່ຽວຈີນທີ່ໄປທ່ຽວມາເລເຊຍໃນປີ 2016 ມີຫຼາຍກວ່າ 1 ແສນເທື່ອຄົນ ເຊິ່ງເພີ່ມຂຶ້ນ 26% ເມື່ອທຽບໃສ່ປີ 2015 ແລະເປັນສະຖິຕິສູງສຸດໃນປະຫວັດສາດ. ແນວໃດກໍດີ, ຈີນຈະເປີດກວ້າງການຮ່ວມມືໃນຂົງເຂດທ່ອງທ່ຽວກັບມາເລເຊຍຕື່ມອີກໃນປີ 2017 ໂດຍທັງສອງປະເທດຈະຊຸກຍູ້ການເຊື່ອມຕໍ່ກັນໃນຂົງເຂດທາງທະເລ, ທາງບົກແລະທາງອາກາດຢ່າງຄົບວົງຈອນ ແລະຫວັງໃຫ້ນັກທ່ອງທ່ຽວຈີນທີ່ໄປທ່ຽວມາເລເຊຍຫຼາຍກວ່າ 3 ລ້ານເທື່ອຄົນໃນປີ 2017.