ຂ່າວສານສູນກາງສປປ ເກົາຫຼີລາຍງານໃນວັນທີ 5 ພຶດສະພານີ້ວ່າ: ໂຄສົກສະຖາບັນຄົ້ນຄວ້າອາເມລິກາຂອງກະຊວງການຕ່າງປະເທດສປປ ເກົາຫຼີຖະແຫຼງໃນວັນດຽວກັນໂດຍປະນາມອາເມລິກາທີ່ທົດລອງຍິງລູກສອນໄຟນຳວິຖີຂ້າມທະວີບຢ່າງຕໍ່ເນື່ອງໃນໄລຍະນີ້ ເຊິ່ງເຮັດໃຫ້ສະຖານະການແຫຼມເກົາຫຼີເຄັ່ງຕຶງຂຶ້ນ.
ໂຄສົກທ່ານນີ້ກ່າວວ່າ: ອາເມລິກາແລະສ ເກົາຫຼີນຳໃຊ້ຊັບພະຍາກອນຍຸດທະສາດນິວເຄລຍຢ່າງຫຼວງຫຼາຍຈັດການຊ້ອມຮົບຮ່ວມຂະໜາດໃຫຍ່ທີ່ສຸດໃນປະຫວັດສາດ ເຊິ່ງເຮັດໃຫ້ສະຖານະການແຫຼມເກົາຫຼີຕົກຢູ່ໃນສະພາບອັນຕະລາຍທີ່ສຸດ. ພາຍໃຕ້ສະພາບເຄັ່ງຕຶງຄືແນວນີ້, ອາເມລິກາທົດລອງຍິງລູກສອນໄຟນຳວິຖີຂ້າມທະວີບໃນວັນທີ 26 ເມສາຜ່ານມາ ແລະທົດລົງຍິງລູກສອນໄຟນຳວິຖີດັ່ງກ່າວອີກຄັ້ງໃໝ່ໃນວັນທີ 3 ພຶດສະພານີ້.
ໂຄສົກທ່ານນີ້ຢືນຢັນວ່າ: ເຖິງວ່າອາເມລິກາອ້າງວ່າ ແຜນການທົດລອງຍິງລູກສອນໄຟໄດ້ສ້າງຂຶ້ນມາແລ້ວກ່ອນໜ້ານີ້ 1 ປີ ແລະບໍ່ມີສ່ວນກ່ຽວຂ້ອງກັບສປປ ເກົາຫຼີຍິງລູກສອນໄຟນຳວິຖີແລະອາວຸດນີວເຄລຍ ກໍຕາມ, ແຕ່ຫາງສຽງສາກົນເຫັນວ່າ: ການຍິງລູກສອນໄຟນຳວິຖີຂອງອາເມລິກາໃນຫຼາຍມື້ຜ່ານມາຈະເຮັດໃຫ້ສະຖານະການຢູ່ແຫຼມເກົາຫຼີທີ່ເຄັ່ງຕຶງຢູ່ແລ້ວນັ້ນຂະຫຍາຍໄປສູ່ສະພາບອັນຕະລາຍກວ່າເກົ່າ ຈິ່ງສະແດງຄວາມເປັນຫ່ວງຕໍ່ເລື່ອງນີ້
