ຈີນຫວັງວ່າຈະຮ່ວມກັບຫວຽດນາມເພື່ອຊຸກຍູ້ການພົວພັນຄູ່ຮ່ວມມືຍຸດທະສາດກ້າວໄປໜ້າ
ຕາມຂ່າວ CRI: ທ່ານເຈີນເຕິກກວງ ປະທານປະເທດຫວຽດນາມຈະເດີນທາງໄປ້ຢຽມຢາມປະເທດຈີນທາງລັດຖະກິດ ແລະເຂົ້າຮ່ວມກອງປະຊຸມສຸດຍອດເວລາທິປຶກສາຫາລືການຮ່ວມມືສາກົນ "ໜຶ່ງແລວທາງ ໜຶ່ງເສັ້ນທາງ"ແຕ່ວັນທີ 11 ຫາ 15 ພຶດສະພານີ້. ວັນທີ 5 ພຶດສະພານີ້ ທ່ານເກິງຊວງ ໂຄສົກກະຊວງການຕ່າງປະເທດກ່າວວ່າ, ຈີນຍິນດີພ້ອມກັບຫວຽດນາມທຳຄວາມພະຍາຍາມຮ່ວມກັນ, ປັບປຸງແລະຂະຫຍາຍການພົວພັນຄູ່ຮ່ວມມືຍຸດທະສາດລະຫວ່າງສອງປະເທດເລື້ອຍໆ, ປົກປັກຮັກສາຜົນປະໂຫຍດຮ່ວມກັນລະຫວ່າງສອງຝ່າຍ.
ໃນກອງປະຊຸມຂ່າວຂອງກະຊວງການຕ່າງປະເທດທີ່ໄຂຂຶ້ນມື້ດຽວກັນ, ທ່ານເກິ່ງຊວງໄດ້ຕີລາຄາສູງຕໍ່ທ່າອຽງການູຂະຫຍາຍຕົວຂອງການພົວພັນລະຫວ່າງຈີນ-ຫວຽດນາມ, ໂດຍກ່າວວ່າ ການຮ່ວມມືທີ່ຂະຫຍາຍກວ້າງອອກເລື້ອຍໆລະຫວ່າງສອງປະເທດຈີນ-ຫວຽດນາມ ໄດ້ນຳເອົາຜົນປະໂຫຍດຕົວຈິງມາໃຫ້ປະຊາຊົນສອງປະເທດ.