ວັນທີ 5 ພຶດສະພານີ້, ທ່ານສະດັນຟານ ດູຢາລິກ ໂຄສົກເລຂາທິການໃຫຍ່ສະຫະປະຊາຊາດກ່າວວ່າ, ທ່ານອັນໂຕນີໂອ ກູເຕີເຣສ ເລຂາທິການໃຫຍ່ສະຫະປະຊາຊາດໄດ້ຂຽນຈົດໝາຍໄປຍັງປະເທດສະມາຊິກຕ່າງໆກ່ຽວກັບການປະຕິຮູບຂອງສະຫະປະຊາຊາດ ໂດຍກ່າວວ່າ,ຈະສືບຕໍ່ຊຸກຍູ້ການປະຕິຮູບໃນດ້ານຕ່າງໆ ເຊັ່ນ,ລະບົບການພັດທະນາ , ຮັກສາສັນຕິພາບແລະອື່ນໆ.
ທ່ານດູຢາລິກກ່າວວ່າ, ປະເທດສະມາຊິກຕ່າງໆໄດ້ເຊັນສັນຍາທົ່ວໂລກຫຼາຍສະບັບກ່ຽວກັບ, ການພັດທະນາແບບຍືນຍົງ, ການປ່ຽນແປງຂອງດິນຟ້າອາກາດ, ສັນຕິພາບຖາວອນ ແລະ ລະດົມທຶນເພື່ອພັດທະນາເປັນຕົ້ນ, ທ່ານກູເຕີເຣສກ່າວວ່າ, ຍິນດີຊຸກຍູ້ການປະຕິຮູບ, ເຮັດໃຫ້ສະຫະປະຊາຊາດສາມາດເສີມຂະຫຍາຍບົດບາດຢ່າງບັງເກີດຜົນ, ເຮັດໃຫ້ປະເທດສະມາຊິກບັນລຸວິໄສທັດຂອງຕົນຂອງເປັນຈິງ, ພ້ອມກັນຮັບມືກັບສິ່ງທ້າທາຍ ແລະ ຕ້ອນຮັບໂອກາດໃໝ່.
ທ່ານກູເຕີເຣສຣັບຕຳແໜ່ງເປັນເລຂາທິການໃຫຍ່ສະຫະປະຊາຊາດໃນວັນທີ 1 ມັງກອນປີນີ້, ຫຼັງຈາກນັ້ນ, ທ່ານໄດ້ສຸມໃສ່ການຊຸກຍູ້ການປະຕິຮູບສະຫະປະຊາຊາດຈາກຫຼາຍດ້ານ.