ວັນທີ 6 ພຶດສະພານີ້, ຢູ່ຫ້ອງການປະທານາທິບໍດີ, ທ່ານໂປຼໂກປີສ ປາຟໂລປູໂລສ ປະທານາທິດີເກຼັກໃຫ້ສຳພາດຕໍ່ນັກຂ່າວວ່າ, ອວຍພອນໃຫ້ເວທີເປິກສາຫາລືສຸດຍອດການຮ່ວມມືສາກົນ "ໜຶ່ງແນວທາງໜຶ່ງເສັ້ນທາງ" ທີ່ຈະຈັດຂຶ້ນຢູ່ປັກກິ່ງນັ້ນຈົ່ງປະສົບຜົນສຳເລັດຜົນ.
ທ່ານປາຟໂລປູໂລສກ່າວວ່າ, ຈຸດພິເສດຂອງຂໍ້ລິເລີ່ມ "ໜຶ່ງແນວທາງໜຶ່ງເສັ້ນທາງ" ແມ່ນຈິດໃຈສັນຕິພາບແລະການຮ່ວມມືຕ່າງຝ່າຍຕ່າງມີຜົນປະໂຫຍດ. ການຈັດຕັ້ງປະຕິບັດຂໍ້ລິເລີ່ມນີ້ຈະຊຸກຍູ້ການສ້າງພື້ນຖານໂຄງລ່າງ, ການຄ້າແລະການຮ່ວມມືເສດຖະກິດຂອງບັດດາປະເທດກ່ຽວຂ້ອງຢ່າງຫຼວງຫຼາຍ. ສຳລັບເກຼັກ, " ເສັ້ນທາງສາຍໄໝທາງທະເລສະຕະລັດ 21 " ມີຄວາມໝາຍອັນສຳຄັນທີ່ສຸດ, ເພາະວ່າທ່າເຮືອປີຣາເອອູສແມ່ນຊຸມທາງອັນສຳຄັນທີ່ຈາກຈີນແລະອາຊີເຂົ້າເອີລົບ, ການລົງທຶນຂອງຝ່າຍຈີນຢູ່ທ່າເຮືອປີຣາເອອູສແມ່ນແບບຢ່າງທີ່ສອງຝ່າຍຢູ່ຮ່ວມກັນຢ່າງກົມກຽວກັນແລະຕ່າງຝ່າຍຕ່າງມີຜົນປະໂຫຍດ.
ທ່ານປາຟໂລປູໂລສກ່າວວ່າ, ໃນຖານະທີ່ເປັນປະເທດສະມາສິກຂອງສະຫະພາບເອີລົບ, ເກຼັກສະໜັບສະໜູນສະຫະພາບເອີລົບກັບຈີນເພີ່ມທະວີການຮ່ວມມື, ເກຼັກຍິນດີຊຸກຍູ້ຂໍ້ລິເລີ່ມໃດໆທີ່ສາມາດເຮັດໃຫ້ການພົວພັນລະຫວ່າງເອີລົບກັບຈີນໃກ້ຊິດຂຶ້ນຕື່ມ.
ທ່ານຍັງກ່າວວ່າ, ຂໍ້ລິເລີ່ມ "ໜຶ່ງແນວທາງໜຶ່ງເສັ້ນທາງ" ມີຄວາມໝາຍອັນສຳຄັນໃນດ້ານຊຸກຍູ້ການສົນທະນາແລະຮ່ວມມືທາງວັດທະນະທຳລະຫວ່າງປະຊາຊົນບັນດາປະເທດ. ບັດດາຝ່າຍເຂົ້າຮ່ວມຂໍ້ລິເລີ່ມນີ້ກໍ່ສະແດງໃຫ້ເຫັນເຖິງຄວາມປາຖະໜາອັນແຮງກ້າທີ່ເພີ່ມທະວີການຕິດຕໍ່ກັນລະຫວ່າງປະຊາຊົນບັນດາປະເທດແລະວັດທະນະທຳຊະນິດຕ່າງໆ.
