ຕອນເຊົ້າ ເວລາ 8 ໂມງ ວັນທີ 7 ພຶດສະພານີ້ຕາມເວລາທ້ອງຖິ່ນ, ການປ່ອນບັດຮອບທີ 2 ຂອງການເລືອກຕັ້ງປະທານາທິບໍດີຝຣັ່ງໄດ້ດຳເນີນຢ່າງຮອບດ້ານ. ທ່ານເອມານູເອວ ມາໂຄຼງ ຜູ້ສະໝັກຮັບເລືອກຕັ້ງຂອງຂະບວນການ "ກ້າວໄປໜ້າ" ແລະທ່ານນາງມາຮີນາ ເລີ ເປັງ ຜູ້ສະໝັກຮັບເລືອກຕັ້ງຂອງ ແນວໂຮມແຫ່ງຊາດ ທີ່ເປັນພັກການເມືອງຝ່າຍຂວາຈະດຳເນີນການແຂ່ງກັນຮອບສຸດທ້າຍ.
ອີງຕາມຂ່າວຂອງກະຊວງພາຍໃນຝຣັ່ງ, ຈຳນວນຜູ່ມີສິດເລືອກຕັ້ງທີ່ໄດ້ຈົດທະບຽນໃນການເລືອກຕັ້ງເທື່ອນີ້ຫຼາຍວ່າ 4700 ລ້ານຄົນ, ຢູ່ຝຣັ່ງ, ອານາເຂດທີ່ບໍ່ຢູ່ຝຣັ່ງແລະຕ່າງປະເທດລວມທັງໝົດໄດ້ຕັ້ງສະຖານີປ່ອນບັດ 6 ໝື່ນ 9ພັນແຫ່ງ. ຍ້ອນວ່າເວລາຜິດໂຕນກັນ, ສະຖານີປ່ອນບັດສ່ວນໜ່ງທີ່ຕັ້ງຢູ່ອານາເຂດທີ່ບໍ່ຢູ່ຝຣັ່ງແລະສະຖານທູດແລະກົງສຸນປະຈຳຕ່າງປະເທດໄດ້ເລີ່ມປ່ອນບັດລ່ວງໜ້າໃນວັນທີ 6 ພຶດສະພານີ້, ສະຖານີປ່ອນບັດຢູ່ຝຣັ່ງໄດ້ເປີດໃຫ້ປ່ອນບັດໃນຕອນເຊົ້າ 8 ໂມງຂອງວັນທີ 7 ພຶດສະພານີ້, ຈະປິດໃນຕອນຄ່ຳ 20 ໂມງໃນມື້ດຽວກັນ.
ກະຊວງພາຍໃນຝຣັ່ງຈະເປີດເຜີຍຜົນການປ່ອນບັດເບື້ອງຕົ້ນຕາມນລຳດັບພາຍຫຼັງປິດສະຖານີປ່ອນບັດທັງໝົດ, ຄະນະກຳມະການລັດຖະທຳມະນູນຝຣັ່ງຈະຢືນຢັນແລະປະກາດໝາກຜົນຂອງການປ່ອນບັດຮອບທີ 2 ກ່ອນວັນທີ 10 ພຶດສະພານີ້ແລະເລືອກຕັ້ງປະທານາທິບໍດີຄົນທີ 8 ຂອງສາທາລະນະລັດທີ 5 ຝຣັ່ງ.