ຕອນຄ່ຳວັນທີ 5 ພຶດສະພານີ້, ພິທີມອບ "ລາງວັນອາຊີ" ປະຈຳປີຄັ້ງທີ 7 ໄດ້ຈັດຂຶ້ນຢູ່ໃຈກາງເມືອງລອນດອນປະເທດອັງກິດ, ທ້າວ ຕິ່ງຈຸ້ນຮຸ່ຍ ນັກຫຼິ້ນສໂນເກີທີ່ມີຊື່ສຽງຂອງຈີນໄດ້ຮັບລາງວັນປະກອບສ່ວນກິລາທີ່ດີເດັ່ນປະຈຳປີຂອງອາຊີ ກາຍເປັນບຸກຄົນກິລາທີ່ດີເດັ່ນຂອງອາຊີປະຈຳປີນີ້.
ຫຼັງພິທີມອບລາງວັນ, ທ້າວ ຕິ່ງຈຸ້ນຮຸ່ຍ ໄດ້ບອກໃຫ້ນັກຂ່າວຮູ້ວ່າ: ຕົນຮູ້ສຶກນອກຄາດຄິດແລະຕື່ນເຕັ້ນຫຼາຍທີ່ໄດ້ຮັບລາງວັນດັ່ງກ່າວ ນີ້ສະແດງໃຫ້ເຫັນວ່າຢູ່ສະໜາມກິລາຕົນເອງບໍ່ພຽງແຕ່ໄດ້ຕາງໜ້າປະເທດຈີນເທົ່ານັ້ນ,ແຕ່ຍັງໄດ້ຕ້າງໜ້າອາຊີອີກດ້ວຍ.
ທ້າວ ຕິ່ງຈຸ້ນຮຸ່ຍ ປີນີ້ອາຍຸ 30 ປີ, ແມ່ນນັກຫຼິ້ນສໂນເກີອາຊີຜູ້ທຳອິດທີ່ໄດ້ຮັບການຈັດເປັນອັນດັບ 1 ຂອງໂລກ, ກໍແມ່ນນັກກິລາຂອງອາຊີຜູ້ທຳອິດທີ່ໄດ້ຊີງເຂົ້າການແຂ່ງຂັນສໂນເກີຂອງໂລກຮອບຊີງຊະນະເລີດ.
"ລາງວັນອາຊີ" ປະກອບມີ 14 ລາງວັນ ເຊິ່ງກ່ຽວພັນເຖິງຂົງເຂດການຄ້າ, ແພດສາດ, ບັນເທີງ,ວັດທະນະທຳ,ກິລາແລະຂົງເຂດອື່ນໆ. ໃນນັ້ນ, ທ່ານ ໝ້າຢຸນ ໄດ້ຮັບການປະກວດເປັນນັກທຸລະກິດປະຈຳປີ 2015.
 |
