ທະນາຄານປະຊາຊົນຈີນໄດ້ປະກາດໃນວັນທີ 7 ພຶດສະພານີ້ວ່າ: ມາເຖິງທ້າຍເດືອນເມສາຜ່ານມາ, ຄັງສຳຮອງສະກຸນເງິນຕາຕ່າງປະເທດຂອງປະເທດບັນລຸເຖິງ 3.029 ຕື້ 500 ລ້ານໂດລາສະຫະລັດ ເຊິ່ງເປັນການເພີ່ມຂຶ້ນ 3 ເດືອນຢ່າງຕໍ່ເນື່ອງ.
ຂ່າວລາຍງານວ່າ, ໃນທ້າຍເດືອນເມສາຜ່ານມາ, ຄັງສຳຮອງສະກຸນເງິນຕາຕ່າງປະເທດຂອງຈີນໄດ້ເພີ່ມຂຶ້ນ 20 ຕື້ 400 ລ້ານໂດລາສະຫະລັດ ຫຼື 0,7% ເມື່ອທຽບໃສ່ທ້າຍເດືອນມີນາ ເຊິ່ງໄດ້ເພີ່ມຂຶ້ນ 3 ເດືອນຢ່າງຕໍ່ເນື່ອງ.
ເຈົ້າໜ້າທີ່ອົງການຄຸ້ມຄອງເງິນຕາຕ່າງປະເທດແຫ່ງຊາດ ຢືນຢັນວ່າ: ໃນເດືອນເມສາຜ່ານມາ, ທຶນຈໍລະຈອນຂ້າມຊາດຂອງປະເທດຕົນສືບຕໍ່ມີຄວາມດຸນດ່ຽງ, ການສະໜອງແລະຄວາມຕ້ອງການຕໍ່ເງິນຕາຕ່າງປະເທດກໍມີຄວາມສົມດູນກັນໂດຍພື້ນຖານ; ຂະນະທີ່ໃນຕະຫຼາດການເງິນສາກົນ, ເງິນຕາທີ່ບໍ່ແມ່ນໂດລາສະຫະລັດໄດ້ແຂງຄ່າຂຶ້ນເມື່ອທຽບໃສ່ເງິນໂດລາສະຫະລັດ, ລາຄາຊັບສິນກໍເພີ່ມຂຶ້ນໃນລະດັບໃດໜຶ່ງເຊັ່ນດຽວກັນ ແລະຈາກປັດໄຈດັ່ງກ່າວ, ໄດ້ເຮັດໃຫ້ຄັງສຳຮອງສະກຸນເງິນຕາຕ່າງປະເທດເພີ່ມຂຶ້ນ.