ສູນວັດທະນະທຳຈີນຢູ່ນະຄອນຫຼວງບາງກອກ ແລະ ມະຫາວິທະຍາໄລສີນະຄຣິນວິໂຣດປະເທດໄທ ໄດ້ຮ່ວມຈັດງານສິລະປະວັດທະນະທຳຈີນ-ໄທຄັ້ງທີ 4 ໃນວັນທີ 7 ພຶດສະພານີ້.
ໃນລາຍການສະແດງຂອງງານດັ່ງກ່າວ, ນັກສະແດງຈາກວົງນາດຕະສິນແຂວງເຫີເປີຍ, ວິທະຍາໄລສິລະປະວິຊາຊີບເຫີເປີຍ ແລະຫົວໜ່ວຍອື່ນໆຂອງຈີນ ໄດ້ສະແດງລາຍການຕ່າງໆ ເປັນຕົ້ນ ການຟ້ອນເຕັ້ນ, ກາຍະສິນ, ການຫຼິ້ນດົນຕີ ແລະອື່ນໆ ທີ່ມີສີສັນອັນງົດງາມຂອງແຂວງດັ່ງກ່າວ. ຂະນະທີ່ອາຈານແລະນັກສຶກສາຈາກມະຫາວິທະຍາໄລສີນະຄຣິນວິໂຣດ ກໍໄດ້ສະແດງການຟ້ອນ ແລະ ຫຼິ້ນດົນຕີທີ່ເປັນມູນເຊື້ອຂອງໄທ.
ງານສິລະປະວັດທະນະທຳຈີນ-ໄທຄັ້ງນີ້ແມ່ນໜຶ່ງໃນກິດຈະກຳຕ່າງໆໃນໂອກາດ "ປີວັດທະນະທຳເຫີເປີຍ 2017" ແລະຜ່ານຈາກການແລກປ່ຽນແລະຮ່ວມມືດ້ານສິລະປະວັດທະນະທຳລະຫວ່າງຈີນ-ໄທ, ຈະມີຜົນດີຕໍ່ການຊຸກຍູ້ໃຫ້ປະຊາຊົນສອງຊາດຮັບຮູ້ ແລະ ເຂົ້າໃຈວັດທະນະທຳ, ສິລະປະຂອງກັນແລະກັນ, ພ້ອມທັງເສີມສ້າງໄມຕີຈິດມິດຕະພາບແລະຄວາມຮັກແພງລະຫວ່າງປະຊາຊົນສອງຊາດຕື່ມອີກ.