ປະທານປະເທດຈີນສົ່ງໂທລະເລກຊົມເຊີຍປະທານາທິບໍດີຝຣັ່ງຄົນໃໝ່
2017-05-08 16:01:28 cri
ວັນທີ 8 ພຶດສະພານີ້, ທ່ານສີຈິ້ນຜິງ ປະທານປະເທດຈີນ ໄດ້ສົ່ງໂທລະເລກຊົມເຊີຍເຖິງທ່ານແອມມານູແອນ ມາກຣອງ ໃນໂອກາດໄດ້ຮັບເລືອກຕັ້ງເປັນປະທານາທິບໍດີຝຣັ່ງຄົນໃໝ່ ວ່າ: ຝຣັ່ງແມ່ນປະເທດຕາເວັນຕົກໃຫຍ່ປະເທດທຳອິດທີ່ສ້າງຕັ້ງສາຍພົວພັນທາງການທູດກັບ ສປ ຈີນ ຢ່າງເປັນທາງການ ໂດຍສາຍພົວພັນລະຫວ່າງສອງປະເທດມີຄວາມໝາຍທາງຍຸດທະສາດທີ່ສຳຄັນ ທັງມີບົດບາດສຳຄັນໃນສາກົນ ແລະໄດ້ພັດທະນາຢ່າງໜັກແໜ້ນ, ປອດໃສ ແລະ ຕໍ່ເນື່ອງ ໃນຊຸມປີຜ່ານມາ. ຂະນະທີ່ຈີນແລະຝຣັ່ງໃນຖານະເປັນປະເທດມົນຕີຖາວອນໃນສະພາຄວາມໝັ້ນຄົງອົງການສະຫະປະຊາຊາດ ແລະ ມີບົດບາດສຳຄັນໃນສາກົນ ລ້ວນແຕ່ມີຄວາມຮັບຜິດຊອບທີ່ສຳຄັນເປັນພິເສດຕໍ່ສັນຕິພາບ ແລະ ການພັດທະນາຂອງໂລກ. ການທີ່ຈະເຮັດໃຫ້ສາຍພົວພັນລະຫວ່າງຈີນ-ຝຣັ່ງພັດທະນາຢ່າງປອດໃສ ແລະ ໜັກແໜ້ນນັ້ນ ບໍ່ພຽງແຕ່ເປັນຜົນດີຕໍ່ສອງປະເທດ ແລະ ປະຊາຊົນສອງຊາດເທົ່ານັ້ນ, ແຕ່ຍັງເປັນຜົນດີຕໍ່ສັນຕິພາບ, ສະຖຽນລະພາບ ແລະ ຄວາມຈະເລີນຮຸ່ງເຮືອງຂອງໂລກອີກດ້ວຍ. ແນວໃດກໍດີ, ຈີນຍິນດີສຸມທຸກຄວາມພະຍາຍາມຮ່ວມກັບຝຣັ່ງ ຊຸກຍູ້ສາຍພົວພັນຄູ່ຮ່ວມຍຸດທະສາດຮອບດ້ານລະຫວ່າງສອງປະເທດໃຫ້ພັດທະນາຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.
