ຕາມຂ່າວສານຈີນ: ວັນທີ 7 ພຶດສະພານີ້ຕາມເວລາຣັດເຊຍ,ທ່ານລັຟລົບ ລັດຖະມົນຕີກະຊວງການຕ່າງປະເທດປະເທດດັ່ງກ່າວກ່າວວ່າ,ນາໂຕຫວັງຟື້ນຟູການເຈລະຈາກັບປະເທດຕົນແລະປະເທດຕົນກໍກຽມພ້ອມສະເໝີແລ້ວ.
ທ່ານກ່າວຕື່ມວ່າ,ແນວໃດກໍດີ ການທີ່ຈະດຳເນີນການເຈລະຈານັ້ນຕ້ອງຢູ່ບົນພື້ນຖານຄວາມສະເໝີພາບແລະເຄົາລົບຜົນປະໂຫຍດເຊິ່ງກັນແລະກັນແລະຈະເຈລະຈາພຽງແຕ່ບັນຫາທີ່ສາມາດຮ່ວມກັນຮັບເອົາໄດ້ເທົ່ານັ້ນ,ຫາກບໍ່ແມ່ນຈະຫາລືແຕ່ບັນຫາທີ່ນາໂຕຕ້ອງການແກ້ໄຂທີ່ສຸດ.
ທ່ານກ່າວຕື່ມວ່າ,ການພົວພັນລະຫວ່າງຣັດເຊຍ-ອາເມລິກາມີຜົນກະທົບຢ່າງໃຫຍ່ຫຼວງຕໍ່ສະຖຽນລະພາບແລະຄວາມໝັ້ນຄົງຂອງໂລກ,ສະນັ້ນປັດຈຸບັນຝ່າຍຕ່າງຄອງຄອຍຜູ້ນຳສອງປະເທດພົບປະກັນທັງໄດ້ຮັບຜົນທີ່ເປັນຮູບປະທຳແລະຕ້ອງການກະກຽມໃຫ້ດີເພື່ອບັນລຸການພົບປະກັນເຊິ່ງ "ຣັດເຊຍກໍພວມດຳເນີນການກະກຽມທີ່ກ່ຽວຂ້ອງ".