ວິທະຍຸສາກົນແຫ່ງປະເທດຈີນລາຍງານວ່າ: "ຍຸດທະສາດສີ່ຫຼ່ຽມ"ຂອງກຳປູເຈຍຄື "ການເຕີບໂຕ,ການສ້າງວຽກເຮັດງານທຳ,ສະເໝີພາບແລະສະມັດຖະພາບ"ເປັນຍຸດທະສາດທີ່ເນັ້ນປົວແປງແລະຍົກຂີດຄວາມສາມາດປົກຄອງຂອງຂະແໜງການບໍລິການຂັ້ນຕ່າງໆແລະເພີ່ມທະວີລະດັບການຄຸ້ມຄອງໃຫ້ສູງຂຶ້ນເພື່ອເຮັດໃຫ້ເສດຖະກິດແຫ່ງຊາດເປັນທັນສະໄໝທີ່ຈະຊ່ວຍຊຸກຍູ້ການເຕີບໂຕທາງເສດຖະກິດແລະສ້າງວຽກເຮັດງານທຳໃຫ້ແກ່ປະຊາຊົນແລະຮັບປະກັນຄວາມສະເໝີພາບທາງສັງຄົມແລະເພີ່ມປະສິດທິພາບການເຮັດວຽກຂອງຂົງເຂດສາທາລະນະພ້ອມທັງປົກປັກຮັກສາຊັບພະຍາກອນທຳມະຊາດແລະວັດທະນະທຳຂອງປະເທດປະກອບສ່ວນເຂົ້າໃນການພັດທະນາແບບຍືນຍົງແລະການແກ້ໄຂຄວາມທຸກຍາກຂອງປະເທດ.
ກຳປູເຈຍແລະຈີນເຫັນດີໃຫ້ "ຍຸດທະສາດສີ່ຫຼ່ຽມ"ແລະຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ເຊື່ອມເຂົ້າກັນຢ່າງມີປະສິດທິພາບແລະສ້າງເສດເສດຖະກິດພິເສດທ່າກຳປັ່ນສີຫະນຸເປັນ "ປ່ອງຢ້ຽມແຫ່ງການໄຂປະຕູ".ລັດຖະບານຈີນໃຫ້ຄວາມສຳຄັນຕໍ່ການເພີ່ມທະວີການຮ່ວມມືກັບກຳປູເຈຍໃນຂົງເຂດການບິນແລະການທ່ອງທ່ຽວເປັນຕົ້ນແລະຖືເປັນເນື້ອໃນສຳຄັນໃນການເຊື່ອມ "ໜຶ່ງແລວທາງໜຶ່ງເສັ້ນທາງ"ແລະ "ຍຸດທະສາດສີ່ຫຼ່ຽມ"ຂອງກຳປູເຈຍເຂົ້າກັນ.ທ່ານຮຸນແຊນ ນາຍົກລັດຖະມົນຕີກຳປູເຈຍກ່າວວ່າ,ຈີນມີ "ໜຶ່ງແລວທາງໜຶ່ງເສັ້ນທາງ",ກຳປູເຈຍກໍມີ "ຍຸດທະສາດສີ່ຫຼ່ຽມ"ເຊິ່ງມີເນື້ອໃນຈູນເຈືອຍູ້ໜູນເຊິ່ງກັນແລະກັນ.