ວັນທີ 8 ພຶດສະພານີ້, ສະຫະພັນຂົນສົ່ງເສັ້ນທາງສາກົນຫຼື IRU ໄດ້ເຜີຍແຜ່ບົດລາຍງານໃນຫົວຂໍ້ "ສ້າງຄວາມສາມາດບົ່ມຊ້ອນດ້ານການຂົນສົ່ງຂອງເສັ້ນທາງສາກົນ ເພື່ອອຳນວຍຄວາມສະດວກໃຫ້ແກ່ການສ້າງໜຶ່ງແລວທາງໜຶ່ງເສັ້ນທາງ" ໂດຍໄດ້ສະເໜີໃຫ້ຈີນຄວນເລັ່ງຊຸກຍູ້ການປະຕິບັດລະບົບຂົນສົ່ງທາງຫຼວງສາກົນຫຼື TIR ເພື່ອສ້າງເປັນເສັ້ນທາງຂົນສົ່ງຢູ່ລຽບ "ໜຶ່ງແລວທາງໜຶ່ງເສັ້ນທາງ" ຕື່ມອີກ ແລະເປັນການຊຸກຍູ້ການຄ້າໃຫ້ມີຄວາມສະດວກ ກໍຄືການຊຸກຍູ້ການເຊື່ອມຈອດກັນ.
ທ່ານ ສູ້ເພີງເສີງ ຜູ້ຕາງໜ້າຜູ້ທຳອິດຂອງສຳນັກງານອາຊີຕາເວັນອອກແລະອາຊີຕາເວັນອອກສຽງໃຕ້ຂອງສະຫະພັນ ຂົນສົ່ງເສັ້ນທາງສາກົນກ່າວວ່າ: ປັດຈຸບັນ ທົ່ວໂລກມີ 70 ປະເທດໄດ້ເຂົ້າຮ່ວມ "ສັນຍາວ່າດ້ວຍການຂົນສົ່ງທາງຫຼວງສາກົນ" ເຊິ່ງຈີນກໍເປັນໜຶ່ງໃນບັນດາປະເທດສະມາຊິກຂອງສັນຍາດັ່ງກ່າວ. ເນື່ອງຈາກຈີນມີຊາຍແດນຕິດກັບ 14 ປະເທດ ທັງແມ່ນປະເທດທີ່ມີຊາຍແດນຕິດກັບປະເທດຫຼາຍກວ່າໝູ່ຢູ່ໃນໂລກ, "ການປະຕິບັດລະບົບຂົນສົ່ງທາງຫຼວງສາກົນຢູ່ຈີນຈະຊຸກຍູ້ໃຫ້ການຜ່ານດ່ານພາສີລະຫວ່າງຈີນກັບປະເທດຢູ່ລຽບໜຶ່ງແລວທາງໜຶ່ງເສັ້ນທາງມີຄວາມສະດວກ, ພ້ອມທັງສ້າງຄວາມສາມາດບົ່ມຊ້ອນດ້ານການຂົນສົ່ງບົນເສັ້ນທາງສາກົນຂອງຈີນຕື່ມອີກ ແລະເປັນສ່ວນສຳຄັນຊ່ວຍການສ້າງໜຶ່ງແລວທາງໜຶ່ງເສັ້ນທາງ."
 |
