ວັນທີ 8 ພຶດສະພານີ້, ທ່ານນາງ ເສີນເຢ້ເຢ້ ຮອງປະທານສະພາປະຊາຊົນແຫ່ງຊາດ,ປະທານສະຫະພັນແມ່ຍິງທົ່ວປະເທດຈີນໄດ້ພົບປະກັບທ່ານ ເມີນຊຳອານ ປະທານສະພາແຫ່ງຊາດ,ຮອງນາຍົກລັດຖະມົນຕີກຳປູເຈຍ.
ໂອກາດດັ່ງກ່າວ,ທ່ານນາງ ເສີນເຢ້ເຢ້ ໄດ້ແຈ້ງຜົນສຳເລັດອັນໃຫຍ່ຫຼວງໃນພາລະກິດປົກປັກຮັກສາແລະພັດທະນາປະເທດຊາດທີ່ຈີນຍາດມາໄດ້ພາຍໃຕ້ການນຳພາທີ່ປີຊາສາມາດຂອງພັກ-ລັດ ໂດຍມີທ່ານ ສີຈິ້ນຜິງ ເປັນແກນນຳນັບແຕ່ກອງປະຊຸມໃຫຍ່ຂອງພັກກອມມູນິດຈີນຄັ້ງທີ 18 ເປັນຕົ້ນມາ ຂະນະດຽວກັນກໍໄດ້ກ່າວວ່າ: ຈີນຍິນດີຮ່ວມກັບກຳປູເຈຍລົງເລິກການຮ່ວມມືໃນຂົງເຂດຕ່າງໆ,ເພີ່ມທະວີການແລກປ່ຽນບົດຮຽນລະຫວ່າງແມ່ຍິງຂອງສອງປະເທດ,ຊຸກຍູ້ສາຍພົວພັນໃຫ້ໄດ້ຮັບການພັດທະນາໃຫຍ່ຫຼວງກວ່າເກົ່າ,ຮ່ວມກັນຊຸກຍູ້ການສ້າງ "ໜຶ່ງແລວທາງໜຶ່ງເສັ້ນທາງ", ສ້າງຄວາມສົມບູນພູນສຸກໃຫ້ແກ່ປະຊາຊົນສອງປະເທດ.
ຜູ້ນຳກຳປູເຈຍໄດ້ສະແດງຄວາມຊົມເຊີຍຕໍ່ຜົນສຳເລັດໃນການພັດທະນາທີ່ຈີນຍາດມາໄດ້ ພ້ອມທັງກ່າວຂອບໃຈຈີນທີ່ໄດ້ຊ່ວຍເຫຼືອປະເທດຕົນ ແລະໄດ້ຢືນຢັນວ່າຈະສືບຕໍ່ຊຸກຍູ້ສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດໃຫ້ພັດທະນາກ້າວສູ່ລວງເລິກຢ່າງບໍ່ຢຸດຢັ້ງ.