ຕາມຂ່າວສານຊິນຮວາ: ເຈົ້າໜ້າທີ່ຕຳຫຼວດອິນໂດເນເຊຍຢືນຢັນວ່າ,ຮອດວັນທີ 7 ພຶດສະພານີ້ ນັກໂທດ 442 ຄົນທີ່ແຫກຄຸກເປກັນບາຣູຢູ່ແຂວງຣີໂອນັ້ນສາມາດຈັບໄດ້ 242 ຄົນແລະນຳມາຂັງຕໍ່ໃນຄຸກແລ້ວຂະນະທີ່ອີກ 200 ຄົນຍັງໂຕນໜີຢູ່ເຊິ່ງນອກຈາກສືບຕໍ່ເພີ່ມການໄລ່ຈັບແລ້ວ,ຍັງຈະປັບປຸງຄຸກທີ່ຂາດມາດຕະຖານໃນທົ່ວປະເທດຢ່າງເຂັ້ມງວດ.
ສື່ທ້ອງຖິ່ນລາຍງານໃນວັນທີ 8 ພຶດສະພານີ້ວ່າ,ທ່ານວິຣັນໂຕ ລັດຖະມົນຕີກະຊວງປ້ອງກັນຄວາມສະຫງົບແລະກົດໝາຍປະເທດອິນໂດເນເຊຍກ່າວວ່າ,ໃນຄຸກທີ່ມີນັກໂທດເກີນຄວາມສາມາດຮອງຮັບຄືສາເຫດເຮັດໃຫ້ນັກໂທດແຫກຄຸກໃນເທື່ອນີ້ເຊິ່ງກະຊວງຕົນຈະສ້າງຄຸກໃຫ້ຫຼາຍກວ່າເກົ່າ.ແນວໃດກໍດີ,ນັກໂທດຫຼາຍຄົນທີ່ຖືກນຳຈັບມາໄດ້ນັ້ນເວົ້າວ່າ,ການທີ່ພວກຕົນໂຕນໜີນັ້ນຍ້ອນບໍ່ໄດ້ຮັບການປະຕິບັດຕາມລະບຽບການດີເທົ່າທີ່ຄວນແລະທົນຕໍ່ການເກັບເງິນທີ່ຜິດກົດໝາຍບໍ່ໄດ້.
ຂ່າວແຈ້ງວ່າ: ໃນວັນທີ 5 ເດືອນດຽວກັນໄດ້ເກີດເຫດການແຫກຄຸກຢູ່ເມືອງເປກັນບາຣູ ແຂວງຣິໂອປະເທດດັ່ງກ່າວ.