ຕາມຂ່າວສານຊິນຮວາ: ສເກົາຫຼີເປີດຫີບເລືອກຕັ້ງປະທານາທິບໍດີຊຸດທີ 19 ແລ້ວໃນ 6 ໂມງເຊົ້າວັນທີ 9 ພຶດສະພານີ້,ໂດຍຜູ້ມີສິດເລືອກຕັ້ງຈະໄປລົງຄະແນນສຽງຢູ່ໜ່ວຍເລືອກຕັ້ງ 13.964 ບ່ອນໃນທົ່ວປະເທດ.
ການລົງຄະແນນສຽງເລືອກຕັ້ງເລີ່ມແຕ່ 6 ໂມງເຊົ້າຫາ 8 ໂມງແລງຂອງວັນທີ 9 ພຶດສະພານີ້ຕາມເວລາສເກົາຫຼີໂດຍຜູ້ມີສິດເລືອກຕັ້ງຖືບັດປະຈຳໂຕໄປລົງຄະແນນສຽງຢູ່ເຂດເລືອກຕັ້ງທີ່ຕົນອາໄສຢູ່.
ການເລຶອກຕັ້ງຄັ້ງນີ້ໄດ້ມີຜູ້ສະໝັກຮັບເລືອກຕັ້ງ 15 ທ່ານລົງຊິງໄຊແຕ່ກໍມີສອງທ່ານໄດ້ປະກາດຖອນອອກຈາກການເລືອກຕັ້ງໃນໂຄ້ງສຸດທ້າຍ.ແນວໃດກໍດີ,ໃນການສຳຫຼວດກ່ອນການເລືອກຕັ້ງໂດຍອົງການສຳຫຼວດປະຊາຊົນສເກົາຫຼີນັ້ນ,ທ່ານມູນເຈອິນມີຄະແນນປະມານ 40%ເຊິ່ງຖິ້ມຫ່າງທ່ານອັນຊົນຊູແລະທ່ານຮົງຈູນໂປ ຜູ້ສະໝັກຮັບເລືອກຕັ້ງປະມານ20%ແລະກາຍເປັນຜູ້ສະໝັກຮັບເລຶອກຕັ້ງທີ່ໄດ້ຮັບຄວາມນິຍົມຫຼາຍທີ່ສຸດໃນການເລືອກຕັ້ງຄັ້ງນີ້.