ຕາມຂ່າວສານຊິນຮວາ: ທ່ານໂຮເບສເປຍ ໂບລີວາ ຜູ້ວ່າການແທນໂຄສົກກະຊວງການຕ່າງປະເທດຟີລິບປິນກ່າວໃນພິທີຖະແຫຼງຂ່າວໃນວັນທີ 8 ເດືອນນີ້ວ່າ, ລັດຖະບານຟີລິບປິນໄດ້ຕິດຕາມຂໍ້ລິເລີ່ມ"ໜຶ່ງແລວທາງໜຶ່ງເສັ້ນທາງ" ຂອງຈີນ ກໍຫວັງຈະເສີມຂະຫຍາຍບົດບາດຊຸມທາງການຄ້າລະຫວ່າງຕາເວັນອອກກັບຕາເວັນຕົກອີກເທື່ອໜຶ່ງ ກໍຄືການເຄີຍເສີມຂະຫຍາຍບົດບາດສຳຄັນໃນເສັ້ນທາງສາຍໄໝທາງທະເລບູຮານໃນສະຕະວັດທີ 16.
ທ່ານໂບລີວາຍັງໄດ້ແຈ້ງກຳນົດການຈະເຂົ້າຮ່ວມກອງປະຊຸມເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ" ຂອງທ່ານດູເຕີເຕວ່າ, ທ່ານດູເຕີເຕຈະເຂົ້າຮ່ວມກອງປະຊຸມສຸດຍອດ ແລະກອງປະຊຸມສຸດຍອດໂຕະມົນ ເພື່ອປຶກສາຫາລືກ່ຽວກັບຫົວຂໍ້ຕ່າງໆ ເຊັ່ນ: ການກໍ່ສ້າງພື້ນຖານໂຄງລ່າງ, ການຮ່ວມມືທາງເສດຖະກິດການຄ້າ, ການແລກປ່ຽນ ວັດທະນະທຳ, ການອະນຸລັກສິ່ງແວດລ້ອມ, ການຮ່ວມມືທາງທະເລ ແລະອື່ນໆ.