ທ່ານເກິງສວາງ ໂຄສົກກະຊວງການຕ່າງປະເທດຈີນຢືນຢັນໃນວັນທີ 9 ພຶດສະພາຢູ່ນະຄອນຫຼວງປັກກິ່ງວ່າ: ໃນກໍລະນີທີ່ໄຕ້ຫວັນເຂົ້າຮ່ວມກອງປະຊຸມໃຫຍ່ອົງການອະນາໄມໂລກນັ້ນ, ມີພຽງແຕ່ຮັບຮອງຫຼັກການປະເທດຈີນດຽວເທົ່ານັ້ນຈິ່ງຈະສາມາດປຶກສາຫາລືລະຫວ່າງສອງຝັ່ງຊ່ອງແຄບໄຕ້ຫວັນກ່ຽວກັບບັນຫາດັ່ງກ່າວນີ້ໄດ້.
ຕາມຂ່າວແຈ້ງວ່າ: ມາເຖິງມື້ສຸດທ້າຍຂອງການສະເໜີໂຕເຂົ້າຮ່ວມກອງປະຊຸມໃຫຍ່ອົງການອະນາໄມໂລກຄັ້ງທີ 70 ໄດ້ຜ່ານໄປແລ້ວ, ແຕ່ໄຕ້ຫວັນກໍບໍ່ໄດ້ຮັບຄຳເຊີນເຂົ້າຮ່ວມກອງປະຊຸມດັ່ງກ່າວ. ຈາກນີ້,ທ່ານເກິງສວາງຈິ່ງເນັ້ນວ່າ: ດ້ວຍເງື່ອນໄຂເບື້ອງຕົ້ນທີ່ຖືກຕ້ອງຕາມຫຼັກການປະເທດຈີນດຽວ, ລັດຖະບານຈີນໄດ້ກຳນົດດ້ວຍຄວາມເໝາະສົມໃນການຮ່ວມວຽກງານສາທາລະນະສຸກໂລກຂອງໄຕ້ຫວັນເຊິ່ງໄຕ້ຫວັນແລະອົງການອະນາໄມໂລກພ້ອມດ້ວຍບັນດາປະເທດໄດ້ແລກປ່ຽນຂໍ້ມູນຂ່າວສານດ້ວຍກັນເປັນຢ່າງດີແລະມີກົນໄກການຈັດຕັ້ງປະຕິບັດທີ່ສົມບູນ. ສະນັ້ນ, ຖ້ອຍທຳນອງທີ່ວ່າ "ກະທົບເຖິງສິດໃນການເຂົ້າເຖິງສຸຂະພາບຂອງປະຊາຊົນໄຕ້ຫວັນ"ກໍຄື"ລະບົບສາທາລະນະສຸກແລະການປ້ອງກັນພະຍາດຂອງໂລກທີ່ບໍ່ສົມບູນ"ນັ້ນຖືວ່າບໍ່ຖືກຕ້ອງຕາມຄວາມຈິງແຕ່ປະການໃດ.
