ວັນທີ 9 ພຶດສະພານີ້, ນັກຂ່າວໄດ້ເດີນທາງໄປເກັບກຳຂ່າວຢູ່ສູນຜະລິດຫັດຖະກຳແກະສະຫຼັກໄມ້ອ່ອນຂອງທ່ານອູຈື່ເຊິ່ງ ຜູ້ສືບທອມໍລະດົກວັດທະນະທຳທີ່ບໍ່ແມ່ນວັດຖຸແຫ່ງຊາດທີ່ໂດດເດັ່ນແລະເປັນຜູ້ສືບທອດຮຸ່ນທີ 4 ໃນຕະກຸນອູທີ່ເປັນນາຍຊ່າງແກະສະຫຼັກໄມ້ອ່ອນເມືອງຟູໂຈ່ວ ແຂວງຟູຈ້ຽນ ພາກຕາເວັນອອກສຽງໃຕ້ ສປ ຈີນ. ກ່າວກັນວ່າ:ນັບແຕ່ທ່ານເສິນຢຸ້ນຊຸນ ຊາວຟູໂຈ່ວປະດິດສ້າງຫັດຖະກຳແກະສະຫຼັກໄມ້ອ່ອນຜົນງານທຳອິດເມື່ອປີ 1914 ຈົນມາຮອດປັດຈຸບັນ ຖືວ່າສິລະປະການແກະສະຫຼັກໄມ້ອ່ອນເມືອງຟູໂຈ່ວໄດ້ມີປະຫວັດມາເປັນເວລາກວ່າ 100 ປີແລ້ວ. ການແກະສະຫຼັກໄມ້ອ່ອນຟູໂຈ່ວໄດ້ສ້າງຊື່ສຽງໂດ່ງດັງໄປທົ່ວໂລກເນື່ອງຈາກໄດ້ຮັບສົມຍານາມ "ກະວີງຽບ" ແລະຈີນໄດ້ຈັດເອົາສິລະປະດັ່ງກ່າວນີ້ເຂົ້າເປັນມໍລະດົກທີ່ບໍ່ແມ່ນວັດຖຸລະດັບຊາດຊຸດທີ 2 ໃນປີ 2008.