ຈີນໄດ້ຕົກລົງກຳນົດເອົາວັນທີ 10 ພຶດສະພາຂອງແຕ່ລະປີເປັນ"ວັນຍີ່ຫໍ້ຈີນ" ເຊິ່ງການກຳນົດດັ່ງກ່າວນັບວ່າແມ່ນມາດຕະການໃໝ່ຫຼ້າສຸດທີ່ຊຸກຍູ້ໃຫ້ຜະລິດຕະພັນຂອງຈີນມີ "ຍີ່ຫໍ້".
ຂ່າວແຈ້ງວ່າ:ຫົວຂໍ້ຕົ້ນຕໍຂອງວັນຍີ່ຫໍ້ຈີນປີ 2017 ເນັ້ນ "ລົງເລິກການປະຕິຮູບໂຄງປະກອບດ້ານການສະໜອງ,ເປີດຍຸກໃໝ່ແຫ່ງການພັດທະນາຍີ່ຫໍ້ດ້ວຍຕົນເອງຢ່າງຮອບດ້ານ".
ທ່ານ ຫວາງຕຸ່ງ ເຈົ້າໜ້າທີ່ກວດກາກົມພົວພັນອຸດສາຫະກຳຂອງຄະນະກຳມະການການພັດທະນາແລະປະຕິຮູບແຫ່ງລັດຈີນກ່າວວ່າ: ຖ້າທຽບໃສ່ປະເທດທີ່ຈະເລີນແລ້ວ, ຈີນຍັງມີບັນຫາຫຼາຍດ້ານເຊັ່ນ: ຍີ່ຫໍ້ທີ່ມີຊື່ສຽງໃນສາກົນມີໜ້ອຍ,ອິດທິພົນຂອງຍີ່ຫໍ້ອ່ອນ,ສິດໃນການໂຄສະນາຍີ່ຫໍ້ມີໜ້ອຍ, ຄຸນຄ່າຂອງຍີ່ຫໍ້ຕ່ຳ,ພາບພົດໂດຍລວມຂອງຍີ່ຫໍ້ບໍ່ດີປານໃດແລະບັນຫາອື່ນໆ. ແນວໃດກໍດີໃນຕໍ່ໜ້າ, ຈີນຈະຮ່ວມແຮງຮ່ວມໃຈຊຸກຍູ້ການພັດທະນາຍີ່ຫໍ້ດ້ວຍຕົນເອງ ໂດຍປິ່ນອ້ອມການເພີ່ມທະວີການສ້າງຍີ່ຫໍ້,ພັດທະນາເສດຖະກິດທີ່ມີຍີ່ຫໍ້,ອອກແບບຂັ້ນສູງ,ສ້າງແລະປັບປຸງກົນໄກການປະສານງານໃຫ້ດີຂຶ້ນ.
 |
