ເຫຼົ່ານາຍພານຢູ່ລັດອິນເດຍນສະຫະລັດອາເມລິກາເຖິງຂັ້ນງົງຂະນະໄປລ່າເນື້ອຢູ່ໃນປ່າ, ເມື່ອພົບສິ່ງທີ່ບໍ່ຄາດຝັນເລື່ອງໜຶ່ງ ເຊິ່ງນັ້ນກໍຄື ມີກວາງປ່ານ້ອຍໂຕໜຶ່ງໄດ້ຍ່າງເຂົ້າມາໃກ້ເຂົາເຈົ້າ ແລະເຫດການນີ້ໄດ້ເຮັດໃຫ້ນາຍພານຜູ້ໜຶ່ງໄດ້ຖ່າຍວິດີໂອໄວ້ ແລະໃນເວລາເບິ່ງວີດີໂອຕອນນີ້, ໄດ້ເຫັນກວາງນ້ອຍໂຕນີ້ຍ່າງເຂົ້າມາໃກ້ນາຍພານທີ່ລີ້ຢູ່ພຸ່ມໄມ້ເພື່ອກິນໃບໄມ້, ຂະນະດຽວກັນນັ້ນ ຍັງໄດ້ດົມເລົາປືນອີກຕ່າງຫາກ ດ້ວຍຄວາມໜ້າຮັກແລະສົງສານ, ນາຍພານຜູ້ນັ້ນເລີຍລູບມັນ ແລະເບິ່ງມັນດ້ວຍຄວາມປະຫຼາດໃຈ.