ຕາມຂ່າວສານຊິນຮວາ: ທ່ານສີຈິ້ນຜິງ ປະທານປະເທດຈີນໄດ້ກ່າວສະດງຄວາມຊົມເຊີຍທ່ານແອມມານູແອນ ມາຄຣົງ ປະທານາທິບໍດີຝຣັ່ງຄົນໃໝ່ ຫຼັງໄດ້ຮັບການເລືອກຕັ້ງ ທັງໄດ້ກ່າວວ່າ, ພາຍຫຼັງຈີນແລະຝຣັ່ງສ້າງສາຍສຳພັນທາງການທູດຕະຫຼອດໄລຍະ 53 ປີມານີ້, ສາຍພົວພັນລະຫວ່າງສອງປະເທດໄດ້ຜ່ານການທົດສອບທາງການເມືອງສາກົນ ແລະມີຜົນທາງຍຸດທະສາດຕໍ່ສອງປະເທດເພີ່ມຂຶ້ນເລື້ອຍໆ ແລະຈີນກໍຍິນດີໃຫ້ຝຣັ່ງເຂົ້າຮ່ວມການສ້າງ "ໜຶ່ງແລວທາງໜຶ່ງເສັ້ນທາງ" ທັງຈະສືບຕໍ່ສະໜັບສະໜູນຂະບວນການເຊື່ອມໂຍງເຂົ້າກັນຂອງເອີລົບ.
ທ່ານມາຄຣົງກ່າວວ່າ, ລັດຖະບານຝຣັ່ງຊຸດໃໝ່ຈະສືບຕໍ່ປະຕິບັດທິດທາງດ້ວຍໄມຕີຈິດມິດຕະພາບຢ່າງຕັ້ງໜ້າຕໍ່ຈີນ, ຍຶດໝັ້ນນະໂຍບາຍຈີນດຽວ, ລົງເລິກການຮ່ວມມືໃນຂົງເຂດການຕ່າງປະເທດ, ເສດຖະກິດການຄ້າ ແລະອຸດສາຫະກຳ ແລະການຮ່ວມມືພາຍໃຕ້ຂອບການສ້າງ "ໜຶ່ງແລວທາງໜຶ່ງເສັ້ນທາງ" ໃຫ້ເປັນຮູບປະທຳ ແລະສືບຕໍ່ປະສານງານຢ່າງແໜ້ນແຟ້ນກ່ຽວກັບບັນຫາສາກົນທີ່ສຳຄັນຕ່າງໆ ເຊັ່ນ: ການຮັບມືກັບການປ່ຽນແປງຂອງດິນຟ້າອາກາດ, ການຮ່ວມມືຂອງກຸ່ມ 20 ປະເທດ ແລະອື່ນໆ.
 |
