ວັນທີ 10 ພຶດສະພານີ້, ທ່ານໂຣດຣີໂກ ດູເຕີເຕ ໄດ້ປະກາດແຕ່ງຕັ້ງທ່ານ ອາລານ ປີເຕີ ຄາເຢຕາໂນ ສະມາຊິກສະພາສູງເປັນລັດຖະມົນຕີກະຊວງການຕ່າງປະເທດ ແທນທ່ານ ເປີເຟີກໂຕ ຢາໄຊ ອະດີດລັດຖະມົນຕີກະຊວງການຕ່າງປະເທດທີ່ຖືກສະພາແຫ່ງຊາດຟີລິບປິນບໍ່ຮັບຮອງເອົາການແຕ່ງຕັ້ງຍ້ອນປົກປິດຊາດກຳເນີດທີ່ເຄີຍເປັນພົນລະເມືອງອາເມລິກາ.
ທ່ານ ດູເຕີເຕ ກ່າວໃນການຖະແຫຼງຂ່າວໃນມື້ດຽວກັນວ່າ: ຕົນໄດ້ລົງນາມສືແຕ່ງຕັ້ງທ່ານຄາເຢຕາໂນໃຫ້ດຳລົງຕຳແໜ່ງດັ່ງກ່າວໃນຕອນບ່າຍມື້ດຽວກັນ.
ທ່ານ ອາລານ ປີເຕີ ຄາເຢຕາໂນ ປີນີ້ອາຍຸ 46 ປີ, ໄດ້ຮັບເລືອກຕັ້ງເປັນສະມາຊິກສະພາຕ່ຳຟີລິບປິນໃນປີ 1998, ປີ 2007 ໄດ້ເລີ່ມດຳລົງຕຳແໜ່ງສະມາຊິກສະພາສູງ, ໃນເດືອນພຶດສະພາປີ 2016 ສະໝັກຮັບເລືອກຕັ້ງເປັນຮອງປະທານາທິບໍດີໂອກາດບໍ່ຊະນະທ່ານ ເລນີ ໂຣດຣິໂດ ຮອງປະທານາທິບໍດີໃນປັດຈຸບັນ.