ວິທະຍຸສາກົນແຫ່ງປະເທດຈີນລາຍງານວ່າ: ກະຊວງວັດທະນະທຳ,ທ່ອງທ່ຽວແລະການບິນປະເທດເນປານເປີດເຜີຍຕົວເລກຫຼ້າສຸດຫວ່າງມໍ່ໆນີ້ຊີ້ໃຫ້ເຫັນວ່າ,ຈຳນວນນັກທ່ອງທ່ຽວຈີນທີ່ມາ ທ່ຽວປະເທດຕົນໃນປີ 2016 ບັນລຸເຖິງ 1 ແສນ 4 ພັນຄົນກວມ 15% ຂອງຍອດຈຳນວນນັກທ່ອງທ່ຽວແລະກາຍເປັນປະເທດແຫຼ່ງນັກທ່ອງທ່ຽວໃຫຍ່ອັນດັບສອງ.
ປັດຈຸບັນຈີນໄດ້ເປີດຖ້ຽວບິນໄປກັບຈາກເມືອງເສີງຕູ່,ເມືອງຄຸນໝິງ,ເມືອງລາຊາ,ເມືອງກວາງໂຈ່ວແລະເຂດພິເສດຮົງກົງສູ່ນະຄອນຫຼວງກັດມານດູປະເທດເນປານແລະນັກທ່ອງທ່ຽວຈີນໄປທ່ຽວເນປານໄດ້ຮັບສິດພິເສດໃນການຍົກເວັ້ນວີຊາໂດຍດ່ານກວດຄົນເຂົ້າອອກເມືອງຢູ່ສະໜາມບິນສາກົນກັດມານດູແລະດ່ານຊາຍແດນກໍສາມາດອອກວີຊາກັບດ່ານໄດ້ຂະນະທີ່ຢູ່ບັນດາຮ້ານຄ້າ, ຮ້ານອາຫານແລະໂຮງແຮມຂອງປະເທດເນປານ ລ້ວນແຕ່ໄດ້ໃຊ້ບັດ VISA ແລະບັດ MASTER ແລະທີ່ສຳຄັນ,ເງິນຢວນຂອງຈີນກໍສາມາດແລກປ່ຽນຢຸ່ເນປານໄດ້ແລະເມືອງທ່ອງທ່ຽວສຳຄັນກໍສາມາດກິນອາຫານຈີນແລະຈ້າງຜູ້ນຳທ່ຽວດ້ວຍພາສາຈີນໄດ້ຢ່າງສະດວກ ສະບາຍ.