ວັນທີ 12 ພຶດສະພານີ້, ຢູ່ສຳນັກງານພະແນກພາສີແຫ່ງຊາດເຂດພັດທະນາເສດຖະກິດເຕັກນິກກວາງໂຈ່ວ ແຂວງກວາງຕຸ້ງ, ບໍລິສັດການບິນພາກໃຕ້ຈີນຫຼື China Southern Airlines ໄດ້ຮ່ວມກັບບໍລິສັດໄຟຟ້າພາກໃຕ້ຈີນນຳໃຊ້ໃບບິນເອເລັກໂຕຣນິກໃນການຂົນສົ່ງຜູ້ໂດຍສານທາງອາກາດແຫ່ງທຳອິດຂອງຈີນ.
ຈຸດພົ້ນເດັ່ນຂອງໃບບິນເອເລັກໂຕຣນິກ, ເມື່ອທຽບກັບໃບບິນທຳມະດາແລ້ວ, ໃບບິນເອເລັກໂຕຣນິກບໍ່ຈຳເປັນຕ້ອງພິມອອກມາ ແລະການຮ້ອງຂໍ,ການຮັບເອົາ,ການອອກ,ການໂອນ,ການກວດກາແລະຂັ້ນຕອນອື່ນໆລ້ວນແຕ່ຜ່ານທາງອິນເຕີເນັດໄດ້ ທັງສາມາດດາວໂຫຼດແລະພິມໄດ້ຫຼາຍເທື່ອເພື່ອອຳນວຍຄວາມສະດວກໃຫ້ແກ່ຜູ້ໂດຍສານໃນການກວດແລະເກັບຮັກສາໂດຍບໍ່ຕ້ອງເປັນຫ່ວງວ່າໃບບິນຈະເຮ່ຍ.
ປັດຈຸບັນ, ພຽງແຕ່ໜ່ວຍງານທົດລອງເທົ່ານັ້ນຈິ່ງສາມາດຂໍໃຊ້ໃບບິນເອເລັກໂຕນິກໄດ້ແລະຄາດວ່າ,ໃນຕໍ່ໜ້າຈະຂະຫຍາຍອອກໄປໃນຂອບເຂດທົ່ວປະເທດ.