ໃນໂອກາດທີ່ທ່ານ ນາຈິບ ຕຸນ ຣາຊັກ ນາຍົກລັດຖະມົນຕີມາເລເຊຍຈະເດີນທາງຢ້ຽມຢາມຈີນໃນວັນທີ 12 ພຶດສະພານີ້ແລະຈະເຂົ້າຮ່ວມກອງປະຊຸມເວທີປຶກສາຫາລືສຸດຍອດການຮ່ວມມືສາກົນຂອງ"ໜຶ່ງແລວທາງໜຶ່ງເສັ້ນທາງ",ທ່ານໄດ້ພິມບົດຄວາມຂຶ້ນເວັບໄຊຂອງຕົນໃນວັນທີ 11 ພຶດສະພານີ້ວ່າ: ຂໍ້ລິເລີ່ມ"ໜຶ່ງແລວທາງໜຶ່ງເສັ້ນທາງ"ຈະເຮັດໃຫ້ປະຊາຊົນມາເລເຊຍໄດ້ຮັບຜົນປະໂຫຍດ ແລະກໍເຊື່ອວ່າການຢ້ຽມຢາມຈີນຄັ້ງນີ້ຈະສາມາດນຳເອົາຜົນສຳເລັດໃໝ່ໃຫ້ແກ່ການຮ່ວມມືລະຫວ່າງສອງປະເທດ.
ທ່ານ ນາຈິບ ກ່າວວ່າ: ຈຸດທີ່ຕັ້ງທາງຍຸດທະສາດຂອງມາເລເຊຍມີຜົນຕໍ່ການເສີມຂະຫຍາຍບົດບາດທີ່ສຳຄັນຂອງປະເທດຕົນໃນການປະຕິບັດຂໍ້ລິເລີ່ມ"ໜຶ່ງແລວທາງໜຶ່ງເສັ້ນທາງ",ແລະຈາກນີ້ປະຊາຊົນມາເລເຊຍຈະໄດ້ຮັບຜົນປະໂຫຍດຈາກການເຊື່ອມຈອດກັນແລະການພັດທະນາເສດຖະກິດທ້ອງຖິ່ນຢ່າງຮອບດ້ານໄດ້. ແນວໃດກໍດີຜົນປະໂຫຍດທີ່ຈະໄດ້ຮັບຈາກຂໍ້ລິເລີ່ມ"ໜຶ່ງແລວທາງໜຶ່ງເສັ້ນທາງ"ນັ້ນ,ກອງປະຊຸມດັ່ງກ່າວຈຶ່ງມີຄວາມໝາຍສຳຄັນຕໍ່ປະເທດຂອງຕົນ.
 |
