ຕາມຂ່າວສານຊິນຮວາ: ອົງການຕໍ່ຕ້ານສິດຜູກຂາດສະຫະພັນຣັດເຊຍປະກາດໃນວັນທີ 11 ພຶດສະພານີ້ວ່າ,ໃນວັນທີ 9 ພຶດສະພານີ້,ບໍລິສັດກູເກິນອາເມລິກາໄດ້ຈ່າຍເງິນປັບໃໝ 438 ລ້ານລຸບຫຼື 7 ລ້ານ 6 ແສນ 7 ໝື່ນໂດລາສະຫະລັດໃຫ້ອົງການຂອງຕົນສົ່ງຜົນເຮັດໃຫ້ຄະດີບໍລິສັດກູເກິນແກ້ງແຍ້ງແບບບໍ່ຍຸຕິທຳຢູ່ຣັດເຊຍທີ່ຍຶດເຍື້ອມາເປັນເວລາສອງປີກວ່າໄດ້ສິ້ນສຸດລົງ.
ເດືອນສິງຫາປີ 2016,ອົງການຕໍ່ຕ້ານສິດຜູກຂາດຣັດເຊຍໄດ້ປະກາດປັບໃໝບໍລິສັດກູເກິນ 438 ລ້ານລຸບ. ເດືອນເມສາປີນີ້,ອົງການດັ່ງກ່າວໄດ້ເຊັນສັນຍາຢຸດບັນຫາກັບບໍລິສັດດັ່ງກ່າວຫຼັງສັນຍາຈະຈ່າຍເງິນປັບໃໝແລະຢຸດການກະທຳທີ່ລະເມີດກົດໝາຍຕ້ານສິດຜູກຂາດ.