ທະນາຄານລົງທຶນພື້ນຖານໂຄງລ່າງອາຊີຫຼື AIIB ໄດ້ເປີດເຜີຍຢູ່ປັກກິ່ງໃນວັນທີ 13 ພຶດສະພານີ້ວ່າ, ສະພາມົນຕີຂອງຕົນໄດ້ອະນຸມັດຮັບເອົາ 7 ສະມາຊິກໃໝ່ແລະຈາກນີ້ຈຶ່ງເຮັດໃຫ້ ສະມາຊິກຂອງຕົນໄດ້ເພີ່ມຂຶ້ນເປັນ 77 ປະເທດ.
ທ່ານຈິ່ນລີ້ສິນ ປະທານ AIIB ກ່າວວ່າ, ຫຼັງໄດ້ຮັບອະນຸມັດເປັນສະມາຊິກແລ້ວ, 7 ສະມາຊິກດັ່ງກ່າວຍັງຕ້ອງຜ່ານຂັ້ນຕອນດ້ານກົດໝາຍຂອງປະເທດຕົນແລ້ວຝາກຕົ້ນທຶນງວດທຳອິດເຂົ້າ AIIB ແລ້ວຈຶ່ງສາມາດກາຍເປັນສະມາຊິກສົມບູນ.
ເດືອນມີນາປີນີ້, AIIB ປະກາດຮັບເອົາ 13 ສະມາຊິກໃໝ່ເປັນຄັ້ງທຳອິດຫຼັງ AIIB ສ້າງຕັ້ງຂຶ້ນຢ່າງເປັນທາງການເມື່ອເດືອນມັງກອນປີຜ່ານມາ, ສະມາຊິກໄດ້ເພີ່ມຈາກ 57 ປະເທດຂຶ້ນເປັນ 70 ປະເທດ. ປັດຈຸບັນ 13 ສະມາຊິກເຫຼົ່ານີ້ພວມເດີນຕາມຂັ້ນຕອນທີ່ກ່ຽວຂ້ອງ.
AIIB ກ່າວວ່າຈະສືບຕໍ່ຍິນດີຕ້ອນຮັບສະມາຊິກໃໝ່ໃນປີນີ້.
 |
