ຕາມຂ່າວສານຊິນຮວາ: ການເຈລະຈາດິນຟ້າອາກາດຂອງອົງການສະຫະປະຊາຊາດໄດ້ຈັດຂຶ້ນເປັນເທື່ອທຳອິດໃນປີ 2017 ຢູ່ເມືອງບອນປະເທດເຢຍລະມັນ.
ທ່ານ ລູ້ຊິນມິງ ຫົວໜ້າຄະນະຜູ້ແທນຈີນ, ຮອງຫົວໜ້າກົມດິນຟ້າອາກາດຄະນະກຳມະການພັດທະນາແລະປະຕິຮູບແຫ່ງລັດຈີນ ກ່າວວ່າ, ຄະນະຜູ້ແທນຕົນຈະສຸມໃສ່ເຈລະຈາ 4 ດ້ານ ຄື: ໜຶ່ງ, ແຈ້ງຫຼັກການແລະຄວາມເຫັນຂອງຈີນໃນການຮັບມືກັບການປ່ຽນແປງຂອງດິນຟ້າອາກາດໃຫ້ທຸກຝ່າຍໃນສາກົນຊາບ ແລະຄວາມຕັ້ງໜ້າຊຸກຍູ້ຂະບວນການເຈລະຈາຫຼາຍຝ່າຍ; ສອງ, ນຳພາການເຈລະຈາໃນຫົວຂໍ້ໃຫຍ່ ແລະສຳຄັນ ແລະແຜນການທີ່ຈີນຈະສະເໜີ; ສາມ, ປັບປຸງຄວາມສາມັກຄີກັບປະເທດພວມພັດທະນາໃຫ້ແໜ້ນແຟ້ນກວ່າເກົ່າ, ພະຍາຍາມປະກອບຄວາມເຫັນຮ່ວມກັນ ແລະປົກປັກຮັກສາສິດທິຜົນປະໂຫຍດຂອງປະເທດພວມພັດທະນາ ແລະດ້ານສຸດທ້າຍຄື ເພີ່ມທະວີການແລກປ່ຽນກັບປະເທດທີ່ພັດທະນາແລ້ວ, ເພີ່ມຄວາມໄວ້ເນື້ອເຊື່ອໃຈແລະຫຼຸດຜ່ອນຄວາມລະແວງສົງໄສກັນ ແລະພະຍາຍາມເຮັດໃຫ້ຫົວຂໍ້ສຳຄັນເປັນເອກະພາບກັນ.
ໃນການເຈລະຈາຄັ້ງນີ້ ມີຜູ້ແທນປະມານ 4000 ຄົນເຂົ້າຮ່ວມ ແລະປັດຈຸບັນ, ການເຈລະຈາທຸກຂໍ້ພວມດຳເນີນໄປຢ່າງຄຶກຄັກແລະມີຄວາມຮັບຜິດຊອບສູງ.