ຕາມຂ່າວສານຈີນ: ທ່ານ ເຊລິຟ ນາຍົກລັດຖະມົນຕີປາກີສະຖານ ກ່າວໃນເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ" ທີ່ນະຄອນຫຼວງປັກກິ່ງໃນວັນທີ 14 ພຶດສະພານີ້ວ່າ, ຄວາມພະຍາຍາມສ້າງໂລກແຫ່ງສັນຕິພາບແລະການຮ່ວມມືນັ້ນ ຄືຈິດໃຈຂອງຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ".
ທ່ານ ເຊລິຟ ກ່າວໃນເວທີປຶກສາຫາລືທີ່ໄຂກອງປະຊຸມຄົບຄະນະລະດັບສູງໃນມື້ດັ່ງກ່າວວ່າ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ແມ່ນແຜນການອັນຍິ່ງໃຫຍ່ແຫ່ງການຮ່ວມມືຂ້າມທະວີບ ເຊິ່ງກວມເອົາຫຼາຍຂົງເຂດ ເປັນຕົ້ນ ພະລັງງານ, ພື້ນຖານໂຄງລ່າງ, ການຄ້າ ແລະອື່ນໆ. ແຜນການກວ້າງຂວາງແນວນີ້ ຈະເຮັດໃຫ້ການພົວພັນລະຫວ່າງກຸ່ມເສດຖະກິດໃກ້ຊິດກັນຫຼາຍຂຶ້ນ ທັງຈະເພີ່ມທະວີການລົງທຶນເຊິ່ງກັນແລະກັນ ແລະພ້ອມກັນບັນລຸການພັດທະນາທີ່ບໍ່ເຄີຍມີມາກ່ອນ.
ທ່ານ ເຊລິຟ ກ່າວຕື່ມວ່າ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ໄດ້ຮັບຄວາມເຫັນດີທີ່ສຸດຢູ່ປາກີສະຖານ ແລະຈາກນີ້, ປະເທດຕົນຈະສືບຕໍ່ສະໜັບສະໜູນຂໍ້ລິເລີ່ມດັ່ງກ່າວ ແລະຫວັງຢາກຈະອຸທິດສະຕິປັນຍາແລະເຫື່ອແຮງເພື່ອການພັດທະນາຈິດໃຈດັ່ງກ່າວ.