ວັນທີ 12 ພຶດສະພານີ້,ຢູ່ສະຖານທູດຈີນປະຈຳເຢຍລະມັນ,ທ່ານສືມິງເຕີ ເອກອັກຄະລັດຖະທູດຈີນປະຈຳປະເທດດັ່ງກ່າວໄດ້ເປັນປະທານກອງປະຊຸມໂຕະມົນເອກອັກຄະລັດຖະທູດບັນດາປະເທດບຣິກສຫຼືBRICS(ເບຣຊິນ,ຣັດເຊຍ,ອິນເດຍ,ຈີນແລະອາຟຣິກກາໃຕ້)ປະຈຳເຢຍລະມັນໂດຍທ່ານກຣີນິນ ເອກອັກຄະລັດຖະທູດຣັດເຊຍ, ທ່ານມາຣີໂອ ວິລານວາ ເອກອັກຄະລັດຖະທູດເບຣຊິນ,ທ່ານຟີເມເລເລ ສະຕອນ ຊີຈານນີ ເອກອັກຄະລັດຖະທູດອາຟຣິກກາໃຕ້ແລະທ່ານມຸກຕາ ດຸດຕາ ໂຕມາ ເອກອັກຄະລັດຖະທູດອິນເດຍເຂົ້າຮ່ວມ.
ທ່ານສືມິງເຕີໄດ້ແຈ້ງແຜນຈັດກິດຈະກຳສະຫຼອງ "ປີປະເທດຈີນ"ຂອງ BRICSໂດຍຈີນມີການຄາດຫວັງທີ່ສຳຄັນຕໍ່ກອງປະຊຸມພົບປະຂອງຜູ້ນຳປະເທດ BRICSຄັ້ງທີ 9 ທີ່ຈະໄຂຂຶ້ນຢູ່ເມືອງເຊ້ຍເມີນ ແຂວງຟູຈ້ຽນ ສປ ຈີນລະຫວ່າງວັນທີ 3-5 ກັນຍາປີນີ້ ທັງໄດ້ແລກປ່ຽນຄວາມຄິດເຫັນກັບເອກອັກຄະລັດຖະທູດຣັດເຊຍ,ເບຣຊິນ,ອິນເດຍແລະອາຟຣິກກາໃຕ້ກ່ຽວກັບສະພາບປັດຈຸບັນແລະການພັດທະນາຂອງກົນໄກຮ່ວມມືປະເທດ BRICS.
ທ່ານທູດ 4 ປະເທດດັ່ງກ່າວໄດ້ເປັນເອກະພາບໃນການເພີ່ມທະວີການຮ່ວມມືແລະການແລກປ່ຽນລະຫວ່າງສະຖານທູດບັນດາປະເທດ BRICSປະຈຳເຢຍລະມັນເພື່ອແລກປ່ຽນຄວາມເຫັນກ່ຽວກັບບັນຫາທີ່ສົນໃຈຮ່ວມກັນຢ່າງທັນການແລະຮ່ວມກັນຊຸກຍູ້ການຮ່ວມມືລະຫວ່າງປະເທດ BRICSໃຫ້ບັນລຸຕາມເປົ້າໝາຍທີ່ວາງໄວ້.