ກອງປະຊຸມສົນທະນາ "ການຮ່ວມມືແລະການແລກປ່ຽນ,ພ້ອມກັນພັດທະນາ, ການສ້າງປະຊາຄົມອາຊຽນແລະສາຍພົວພັນລະຫວ່າງຈີນ-ອາຊຽນ" ທີ່ຄະນະທູຕານຸທູດຈີນປະຈຳອາຊຽນ,ສຳນັກໜັງສືພິມສັບປະດາປັກກິ່ງ ແລະ ສະມາຄົມຜູ້ຊົງຄຸນວຸດທິພານກູເປັນເຈົ້າພາບຮ່ວມໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 15 ພຶດສະພານີ້.
ໃນກອງປະຊຸມ, ທ່ານ ອັກ ໂມຊັນ ຮອງເລຂາທິການໃຫຍ່ອາຊຽນກ່າວ ວ່າ: ໝັ້ນໃຈແລະປາຖະໜາຢ່າງເຕັມສ່ວນຕໍ່ອາຊຽນແລະຈີນຮ່ວມມືກ້າວໄປໜ້າແລະຮ່ວມກັນບັນລຸຄວາມຈະເລີນຮຸ່ງເຮືອງ. ແຜນການພັດທະນາປີ 2025 ຂອງອາຊຽນສອດຄ່ອງກັບ "ຄວາມໃຝ່ຝັນຂອງຈີນ", ການເຊື່ອມຈອດກັນລະຫວ່າງບັນດາປະເທດອາຊຽນສອດຄ່ອງກັບຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ນັ້ນ ລ້ວນແຕ່ແມ່ນເສັ້ນທາງທີ່ກ້າວໄປສູ່ຄວາມຈະເລີນຮຸ່ງເຮືອງຮ່ວມກັນ.
ແຂກທີ່ເຂົ້າຮ່ວມກອງປະຊຸມໄດ້ຄົ້ນຄວ້າປຶກສາຫາລືຢ່າງເລິກເຊິ່ງໂດຍປິ່ນອ້ອມຫົວຂໍ້ຕ່າງໆເຊັ່ນ: 50 ປີການສ້າງຕັ້ງອາຊຽນ ແລະ ສາຍພົວພັນລະຫວ່າງຈີນ-ອາຊຽນ, ຂໍ້ລິເລີ່ມ"ໜຶ່ງແລວທາງໜຶ່ງເສັ້ນທາງ" ແລະ ແຜນພັດທະນາປີ 2025 ຂອງອາຊຽນ,ການຊຸກຍູ້ສາຍພົວພັນລະຫວ່າງຈີນ-ອາຊຽນໂດຍຜ່ານການແລກປ່ຽນແລະການຮ່ວມມືລະຫວ່າງສື່ມວນຊົນ.