ໃນການຖະແຫຼງຂ່າວທີ່ຈັດຂຶ້ນໃນວັນທີ 16 ພຶດສະພານີ້, ທ່ານນາງ ຮວາຊຸ່ນຢີງ ໂຄສົກກະຊວງການຕ່າງປະເທດຈີນກ່າວວ່າ: ຈີນໄດ້ສະແດງຄວາມເຫັນດີແລະຊົມເຊີຍລັດຖະບານຫວຽດນາມທີ່ຍຶດໝັ້ນນະໂຍບາຍປະເທດຈີນດຽວ.
ທ່ານນາງ ຮວາຊຸ່ນຢີງ ກ່າວວ່າ: ຈີນແລະຫວຽດນາມໄດ້ອອກຖະແຫຼງການຮ່ວມໃນວັນທີ 15 ພຶດສະພານີ້ ໂດຍຫວຽດນາມໄດ້ຢ້ຳຢ່າງເດັດຂາດວ່າຈະປະຕິບັດນະໂຍບາຍປະເທດຈີນດຽວ, ສະໜັບສະໜູນການເສີມຂະຫຍາຍສາຍພົວພັນລະຫວ່າງສອງຝັ່ງຊ່ອງແຄບໄຕ້ຫວັນໂດຍສັນຕິແລະຄວາມເປັນເອກະພາບຂອງຈີນ, ເດັດດ່ຽວຄັດຄ້ານທຸກການເຄື່ອນໄຫວແບ່ງແຍກໄຕ້ຫວັນໃຫ້ເປັນເອກະລາດແລະຈະບໍ່ພັດທະນາການພົວພັນທາງການໃດໆກັບໄຕ້ຫວັນ. ການຍຶດໝັ້ນຫຼັກການປະເທດຈີນດຽວ ແລະ ຄັດຄ້ານໄຕ້ຫວັນແຍກເປັນເອກະລາດແມ່ນຫຼັກໝັ້ນຂອງຈີນຢ່າງສະເໝີຕົ້ນສະເໝີປາຍໃນການແກ້ໄຂບັນຫາການພົວພັນຂອງໄຕ້ຫວັນຕໍ່ຕ່າງປະເທດ. ຈີນຂໍສະແດງຄວາມເຫັນດີແລະຊົມເຊີຍລັດຖະບານຫວຽດນາມຢ່າງຈິງໃຈທີ່ໄດ້ຍຶດໝັ້ນນະໂຍບາຍປະເທດຈີນດຽວ.
 |
