ຕາມຂ່າວສານຊິນຮວາ: ທຳນຽບປະທານາທິບໍດີສ.ເກົາຫຼີຢືນຢັນໃນວັນທີ 16 ເດືອນນີ້ວ່າ, ໃນໂອກາດທີ່ທ່ານມູນເຈອິນ ປະທານາທິບໍດີຜູ້ໃໝ່ຂອງສ.ເກົາຫຼີໄປຢ້ຽມຢາມອາເມລິກາໃນທ້າຍເດືອນໜ້າ, ປະມຸກລັດທັງສອງປະເທດຈະພົບປະເຈລະຈາກັນຢູ່ນະຄອນຫຼວງວໍຊິງຕັນ.
ເຈົ້າໜ້າທີ່ທຳນຽບປະທານາທິບໍດີສ.ເກົາຫຼີເປີດເຜີຍວ່າ, ທ່ານມູນເຈອິນໄດ້ເວົ້າສັ້ນໆກັບທ່ານມັດ ໂປຕິນເກີ ຫົວໜ້າຂັ້ນສູງທີ່ຮັບຜິດຊອບວຽກງານອາຊີຂອງຄະນະກຳມະການຄວາມໝັ້ນຄົງແຫ່ງຊາດທຳຂ່າວອາເມລິກາທີ່ຢ້ຽມຢາມສ.ເກົາຫຼີ ໂດຍໄດ້ຮຽກຮ້ອງໃຫ້ທັງສອງປະເທດສືບຕໍ່ຮັກສາການຕິດຕໍ່ພົວພັນກັນ ແລະຮ່ວມກັນຮັບມືກັບບັນຫານິວເຄຼຍເກົາຫຼີ.
ຂະນະດຽວກັນນີ້, ທ່ານໂປຕິນເກີຍັງໄດ້ພົບປະກັບທ່ານລີຈົງກຸຍ ຮອງລັດຖະມົນຕີກະຊວງການຕ່າງປະເທດສ.ເກົາຫຼີ ໂດຍຂ່າວສານໂຢນຮັບສ.ເກົາຫຼີລາຍງານວ່າ, ໃນການພົບປະ ໄດ້ເວົ້າເຖິງລະບົບຕ້ານຂີປະນາວຸດ "THAAD" ແລະຫວັງຈະໄດ້ປຶກສາຫາລືກັບເຈົ້າໜ້າທີ່ສ.ເກົາຫຼີກ່ຽວກັບບັນຫານີ້.