ກຸ່ມບໍລິສັດອຸດສາຫະກຳຊາງເຊີງຈີນຈຳກັດທີ່ຂຶ້ນກັບກຸ່ມບໍລິສັດວິທະຍາສາດເຕັກໂນໂລຊີການບິນອະວະກາດຈີນໄດ້ເຊັນສັນຍາໂຄງການດາວທຽມໂທລະຄົມ PALAPA-N1 ອິນໂດນເຊຍກັບບໍລິສັດບໍລິການດາວທຽມອິນໂດເນເຊຍຫຼື PSNS ຢູ່ນະຄອນຫຼວງຈາກາຕາໃນວັນທີ 17 ພຶດສະພານີ້ ເຊິ່ງການເຊັນສັນຍາດັ່ງກ່າວໄດ້ກາຍເປັນຂີດໝາຍສະແດງໃຫ້ເຫັນວ່າດາວທຽມໂທລະຄົມທີ່ຈີນຜະລິດນັ້ນໄດ້ເຂົ້າສູ່ຕະຫຼາດການບິນອະວະກາດເປັນຄັ້ງທຳອິດ.
ທ່ານ ອິ່ນຫຼີມິງ ຜູ້ອຳນວຍການໃຫຍ່ບໍລິສັດຊາງເຊີງຈີນຈຳກັດກ່າວວ່າ: ໂຄງການ PALAPA-N1 ຈະປັບປຸງວຽກງານໂທລະຄົມແລະການກະຈາຍສຽງຂອງອິນໂດເນເຊຍໃຫ້ດີຂຶ້ນ ທັງຈະຊຸກຍູ້ຄວາມກ້າວໜ້າທາງສັງຄົມແລະການພັດທະນາເສດຖະກິດ,ເຊິ່ງໂດຍລວມແລ້ວນີ້ຄືໜຶ່ງຜົນງານໃນການປະຕິບັດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ໃນຂົງເຂດການບິນອະວະກາດ.
ສັນຍາດັ່ງກ່າວລະບຸວ່າ:ບໍລິສັດຊາງເຊີງຈະສະໜອງຜະລິດຕະພັນແລະການບໍລິການຕ່າງໆໃຫ້ແກ່ຝ່າຍທີ່ກ່ຽວຂ້ອງຂອງອິນໂດເນເຊຍເປັນຕົ້ນດາວທຽມ,ການບໍລິການຍິງສົ່ງ,ລະບົບພາກພື້ນດິນ,ການປະກັນໄພແລະສະໜັບສະໜູນການລະດົມທຶນ. ຄາດວ່າ:ດາວທຽມໂທລະຄົມ PALAPA-N1 ຈະເລີ່ມນຳໃຊ້ໃນ 6 ເດືອນຕົ້ນປີ 2020.
 |
