ຫລວງ​ພະ​ບາງ​ ​ເອົາ​ການ​ທ່ອງ​ທ່ຽວ​ເປັນ​ທ່າ​ແຮງ​ກາ​ນພັດ​ທະນາ
2017-05-18 14:58:40  cri 
   ຂປລ. ທ່ານ ສາຍສະໝອນ ຄົມທະວົງ, ປະທານສະພາປະຊາຊົນແຂວງຫລວງພະບາງ ໄດ້ຍົກໃຫ້ເຫັນ ໃນໂອກາດເຂົ້າຮ່ວມກອງປະຊຸມສະ
ໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ  VIII  ວ່າ: ແນວທາງການພັດທະນາຂອງລັດຖະບານ ແມ່ນອີງໃສ່ທ່າແຮງ ແລະ ຈຸດພິເສດ
ຂອງ ແຕ່ລະທ້ອງຖິ່ນ ໃນການກະຕຸກຊຸກຍູ້ໃຫ້ທ້ອງຖິ່ນ ມີການພັດທະນາທາງດ້ານເສດຖະກິດ, ສັງຄົມ ແລະ ຊີວິດການເປັນຢູ່ຂອງປະຊາຊົນ.   

ສຳລັບແຂວງຫລວງພະບາງ ແມ່ນມີທ່າແຮງດ້ານການທ່ອງທ່ຽວ ແລະ ຖືເປັນທ່າແຮງຕົ້ນຕໍ ໃນການພັດທະນາຂອງແຂວງ, ດັ່ງນັ້ນ ອຳນາດ
ການປົກຄອງຂອງແຂວງ   ຈຶ່ງສຸມໃສ່ພັດທະນາພື້ນຖານໂຄງລ່າງການທ່ອງທ່ຽວ  ໂດຍເນັ້ນໃສ່ການພັດທະນາ 3 ດ້ານຄື: ການພັດທະນາຊັບ
ພະຍາກອນມະນຸດ ໃຫ້ມີຄວາມຮູ້ຄວາມສາມາດສູງ, ມີຄວາມຊຳນິຊຳນານດ້ານການບໍລິການ ແລະ ການນຳໃຊ້ພາສາຕ່າງປະເທດ, ເນື່ອງຈາກ
ແຂວງຫລວງພະບາງ ມີເປົ້າໝາຍຮອງຮັບນັກທ່ອງທ່ຽວ ກຸ່ມທີ່ມີອັດຕາການໃຊ້ຈ່າຍສູງ; ພັດທະນາພື້ນຖານໂຄງລ່າງ ແລະ ສິ່ງອຳນວຍຄວາ
ມສະດວກ ເພື່ອເຮັດໃຫ້ແຂວງຫລວງພະບາງ ເປັນສູນກາງການທ່ອງທ່ຽວ ເພື່ອແຈກຢາຍລາຍຮັບໄປຫາແຂວງຕ່າງໆ ເນື່ອງຈາກມີຄວາມສະ
ດວກ ໃນການຄົມມະນາຄົມ, ເພາະໃນປັດຈຸບັນ ໄດ້ເປີດໃຊ້ສະໜາມບິນແຫ່ງໃໝ່ລະດັບສາກົນ ແລະສຸດທ້າຍແມ່ນພັດທະນາການຕະຫລາດ
 ແລະ ການສົ່ງເສີມການທ່ອງທ່ຽວ ເຊິ່ງຈະເນັ້ນໃສ່ການໂຄສະນາຈາກຕົ້ນທາງ "ສປປ ລາວ" ຫລື ແຂວງຫລວງພະບາງ ໃຫ້ຫລາຍຂຶ້ນ, ຄາດ
ວ່າຈະສາມາດດຶງດູດນັກທ່ອງທ່ຽວຢູ່ໃນລະດັບ 5-7 ແສນຄົນ ໃນປີ 2018-2020.   

  ຕາມຂໍ້ມູນຂອງຫ້ອງການທ່ອງທ່ຽວແຂວງຫລວງພະບາງ ໃຫ້ຮູ້ວ່າ: ຫລວງພະບາງ ມີນັກທ່ອງທ່ຽວເຂົ້າມາທ່ຽວຊົມປະມານ 5 ແສນຄົນຕໍ່ປີ, ໃນ
ນີ້ນັກທ່ອງທ່ຽວຈາກປະເທດໄທ ກວມເອົາ 40% ຈັດຢູ່ໃນອັນດັບໜຶ່ງຂອງຈຳນວນນັກທ່ອງທ່ຽວທັງໝົດ, ຮອງລົງມາແມ່ນນັກທ່ອງທ່ຽວຈາກປະ
ເທດຈີນ, ປັດຈຸບັນຫລວງພະບາງມີສະຖານທີ່ທ່ອງທ່ຽວທັງໝົດ 228 ແຫ່ງເປີດໃຫ້ບໍລິການແລ້ວ 111 ແຫ່ງ, ແບ່ງເປັນ ປະເພດຄື: ການທ່ອງ
ທ່ຽວດ້ານວັດທະນະທຳ, ທຳມະຊາດ ແລະ ການທ່ອງທ່ຽວດ້ານປະຫວັດສາດອັນສາມາດຮອງຮັບຈຳນວນນັກທ່ອງທ່ຽວໄດ້ປະມານ 6 ພັນຄົນຕໍ່ມື້,
 ໃນນີ້ໂຮງແຮມ, ລີສອດມີຈຳນວນ 76 ແຫ່ງ, ເຮືອນພັກ 327 ແຫ່ງ , ຮ້ານອາຫານພື້ນເມືອງ ແລະ ສາກົນ 286 ແຫ່ງ ແລະ ບໍລິສັດນຳທ່ຽວ 
ມີ 75 ແຫ່ງ. 
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ