ລາຍຮັບຈາກລະບົບນຳທາງຜ່ານດາວທຽມເປີຍໂຕ ກວມ 70% ຂອງມູນຄ່າການຜະລິດຕົ້ນຕໍ
2017-05-18 16:19:54 cri
"ປຶ້ມປົກຂາວວ່າດ້ວຍການພັດທະນາຂະແໜງການນຳທາງຜ່ານດາວທຽມແລະການບໍລິການທີ່ຕັ້ງຈີນ" ໄດ້ເຜີຍແຜ່ຢູ່ນະຄອນຫຼວງປັກກິ່ງໃນວັນທີ 17 ພຶດສະພານີ້ ໂດຍສະແດງໃຫ້ເຫັນວ່າ, ປີ 2016 ຜ່ານມາ, ມູນຄ່າການຜະລິດຂະແໜງການນຳທາງຜ່ານດາວທຽມແລະການບໍລິການທີ່ຕັ້ງຂອງຈີນ ໄດ້ບັນລຸເຖິງ 211 ຕື້ 800 ລ້ານຢວນ ໂດຍເພີ່ມຂຶ້ນ 22,06% ເມື່ອທຽບໃສ່ປີ 2015. ໃນນັ້ນ, ມູນຄ່າການຜະລິດຕົ້ນຕໍຂອງຂະແໜງການຕ່າງໆ ຄື ຊິບ, ວິທີຄິດໄລ່, ຂໍ້ມູນນຳທາງ, ເຄື່ອງເທີມີໂນ ແລະອື່ນໆທີ່ພົວພັນເຖິງເຕັກນິກນຳທາງຜ່ານດາວທຽມໂດຍກົງນັ້ນ ໄດ້ບັນລຸ 80 ຕື້ 800 ລ້ານຢວນ ເຊິ່ງກໍໝາຍຄວາມວ່າ, ອັດຕາການປະກອບສ່ວນຂອງລະບົບນຳທາງຜ່ານດາວທຽມເປີຍໂຕ ໄດ້ບັນລຸເຖິງ 70% ແລະຈາກນີ້ ຈຶ່ງເຮັດໃຫ້ໂປຣແກຣມທີ່ນຳໃຊ້ດາວທຽມເປີຍໂຕ ໄດ້ກາຍເປັນແຜນການຕົ້ນຕໍໃນຕະຫຼາດຂະແໜງການແລະຕະຫຼາດພິເສດຂອງຈີນ.
