ຕອນເຊົ້າວັນທີ 17 ພຶດສະພານີ້, ກຳມາທິການແຕ່ງຕັ້ງຂອງສະພາແຫ່ງຊາດຟິລິບປິນ ໄດ້ຮັບຮອງຍັດຕິແຕ່ງຕັ້ງທ່ານ ອາລັນ ປີເຕີ ຄາເຢທາໂນ ສະມາຊິກສະພາສູງເປັນລັດຖະມົນຕີການຕ່າງປະເທດດ້ວຍຄະແນນສຽງຖ້ວມທົ້ນຫຼັງໄດ້ຮັບການສະເໜີໂດຍທ່ານ ໂຣດຣີໂກ ດູເຕີເຕ ປະທານາທິບໍດີ ແລະຈາກນີ້ ທ່ານ ຄາເຢທາໂນ ຈະດຳລົງຕຳແໜ່ງດັ່ງກ່າວ ຢ່າງເປັນທາງການນັບແຕ່ມື້ລົງຄະແນນສຽງຮັບຮອງ.
ພາຍຫຼັງທ່ານ ດູເຕີເຕ ຂຶ້ນດຳລົງຕຳແໜ່ງປະທານາທິບໍດີເມື່ອເດືອນມິຖຸນາປີຜ່ານມາ, ທ່ານໄດ້ແຕ່ງຕັ້ງທ່ານ ເພີເຟັກໂຕ ຢາໄຊ ເປັນລັດຖະມົນຕີການຕ່າງປະເທດ, ແຕ່ເນື່ອງຈາກປີນີ້ ສະພາແຫ່ງຊາດເລີ່ມກວດກາຄຸນວຸດທິຂອງທ່ານຢາໄຊ ແລ້ວຈຶ່ງບໍ່ຮັບຮອງເອົາການແຕ່ງຕັ້ງທ່ານຍ້ອນການປິດບັງສັນຊາດເດີມຄືເປັນຄົນອາເມລິກາໃນເດືອນມີນາຜ່ານມາ. ຈາກນັ້ນໃນວັນທີ 10 ພຶດສະພານີ້, ທ່ານ ດູເຕີເຕ ຈຶ່ງປະກາດແລະລົງນາມແຕ່ງຕັ້ງ ທ່ານ ຄາເຢທາໂນ ເປັນລັດຖະມົນຕີການຕ່າງປະເທດ.