ໂອກາດນຳສະເໜີການທ່ອງທ່ຽວອິນໂດເນເຊຍທີ່ຈັດຂຶ້ນຢູ່ເມືອງຟູໂຈ່ວ ແຂວງຟູຈ້ຽງ ສປ ຈີນໃນວັນທີ 18 ພຶດສະພານີ້, ອິນໂດເນເຊຍໄດ້ນຳສະເໜີແຜນພັດທະນາການທ່ອງທ່ຽວດ້ວຍການ "ສ້າງ 10 ເກາະບາຫຼີໃໝ່"ຂຶ້ນຫວັງສ້າງໂອກາດໃໝ່ຢ່າງຕໍ່ເນື່ອງຈາກການຮ່ວມມືລະຫວ່າງອິນໂດເນເຊຍ-ຈີນໃນດ້ານຕ່າງໆພາຍໃຕ້ຂໍ້ລິເລີ່ມ"ໜຶ່ງແລວທາງໜຶ່ງເສັ້ນທາງ" ເພື່ອດຶງດູດນັກທ່ອງທ່ຽວຈີນໃຫ້ຫຼາຍຂຶ້ນກວ່າເກົ່າ.
ທ່ານເສິນລິນ ຜູ້ຕາງໜ້າກະຊວງທ່ອງທ່ຽວອິນໂດເນເຊຍປະຈຳຈີນຢືນຢັນວ່າ ເພື່ອຫຼຸດຜ່ອນສະພາບເກີນຄວາມສາມາດຮອງຮັບນັກທ່ອງທ່ຽວຂອງເກາະບາຫຼີ ແລະຊຸກຍູ້ການພັດທະນາແຫຼ່ງທ່ອງທ່ຽວອື່ນໆ,ປະເທດຕົນກຳລັງສຸມໃສ່ພັດທະນາ 10 ແຫຼ່ງທ່ອງທ່ຽວເປັນຕົ້ນ ພູ ໄຟໂບຣໂມ ແຂວງຊາວາຕາເວັນອອກ, ໜອງໂຕບາແຂວງຊຸມາດຕາເໜືອ, ໝູ່ເກາະຄູຣິວຈາກາຕາເໜືອ,ວັດໂບໂຣບູໂດແຂວງຊາວາກາງແລະອື່ນໆ. ໂດຍແຕ່ລະແຫ່ງສວຍງາມຄືເກາະບາຫຼີແຕ່ຜ່ານມາບໍ່ທັນໄດ້ພັດທະນາເທື່ອແລະການພັດທະນານັ້ນຈະໄປຕາມຄວາມເປັນ ເອກະລັກພິເສດຂອງແຕ່ລະແຫຼ່ງທ່ອງທ່ຽວ.
 |
