ຫຼັງບົກແຫ້ງມາເປັນເວລາ 60 ປີ,ໃນທີ່ສຸດ, ນ້ຳຕົກຕາດໃຫຍ່ພູທຽນຖາຍກໍເກີດສາຍນ້ຳຢ່າງມີຊີວິດຊີວາຄືນໃໝ່ໃນວັນທີ 18 ພຶດສະພານີ້ໂດຍນ້ຳຕົກຕາດນີ້ຕັ້ງຢູ່ເມືອງທຽນຖາຍແຂວງເຈີ້ຈ່ຽງ ສປ ຈີນ.ເມື່ອເຫັນແລ້ວເໝືອນດັ່ງຜ້າໄໝຂາວຜືນໃຫຍ່ທີ່ປິວຕາມສາຍລົມປະສົມປະສານກັບຄວາມຂຽວງາມຂອງບັນດາພູນ້ອຍໃຫຍ່ແລ້ວມັນຊ່າງສວຍງາມປານຮູບແຕ້ມ. ນ້ຳຕົກຕາດທຽນຖາຍສູງ 285 ແມັດແລະມີບ່ອນທີ່ກວ້າງສຸດ 90 ແມັດ, ເປັນນ້ຳຕົກຕາດໃຫຍ່ອັນດັບໜຶ່ງຢູ່ພາກຕາເວັນອອກຈີນ. ຊຸມປີ 1950, ເນື່ອງຈາກຕ້ອງໄດ້ກໍ່ສ້າງຊົນລະປະທານ ຈິ່ງເຮັດໃຫ້ນ້ຳທີ່ເຄີຍໄຫຼກໍບົກແຫ້ງ. ແນວໃດກໍດີ, ຄາດວ່າ ອີກ 3 ປີ, ໂຄງການກໍ່ສ້າງນ້ຳຕົກຕາດດັ່ງກ່າວຈະສຳເລັດ 100%. ຂະນະທີ່ປັດຈຸບັນ, ການປັບປຸງແລວນ້ຳຕົກແລະເສັ້ນທາງທ່ຽວຊົມນ້ຳຕົກຕາດໄດ້ສຳເລັດໂດຍພື້ນຖານແລ້ວ.
