ຫວ່າງມໍ່ໆມານີ້, ໄທໄດ້ປະຕິບັດນະໂຍບາຍຍົກເວັ້ນວີຊາໃຫ້ແກ່ປະຊາຊົນຈີນທີ່ໄປປິ່ນປົວ ເພື່ອເປັນສ່ວນສຳຄັນໃນການດຶງດູດນັກທ່ອງທ່ຽວຈີນໃຫ້ແກ່ຂະແໜງການປິ່ນປົວ,ການບໍລິການແລະການທ່ອງທ່ຽວໃຫ້ຫຼາຍກວ່າເກົ່າ.
ກະຊວງສາທາລະນະສຸກໄທໄດ້ປະສານສົມທົບກັບກະຊວງການຕ່າງປະເທດໄທ ແລະ ກະຊວງກິລາແລະວັດທະນະທຳອອກຖະແຫຼງການກ່ຽວກັບການໄປປິ່ນປົວໂດຍສາມາດອາໄສຢູ່ໄທເປັນເວລາ 90 ວັນ ຢູ່ເວັບໄຊກົມທ່ອງທ່ຽວໄທພາສາຈີນ.
ຖະແຫຼງການລະບຸວ່າ: ສຳລັບປະຊາຊົນຈີນທີ່ໄປປິ່ນປົວຢູ່ໄທກໍຄືຍາດພີ່ນ້ອງທີ່ໄປນຳກັນລ້ວນແຕ່ໄດ້ຮັບການຍົກເວັ້ນວີຊາ ລວມທັງຜູ້ເປັນພະຍາດແຕ່ບໍ່ໃຫ້ເກີນ 4 ຄົນ. ຂະນະທີ່ຜູ້ໄປນຳກັນທີ່ມີທັງພໍ່,ແມ່,ລູກແລະລູກລ້ຽງທີ່ມີສັນຊາດດຽວກັນກັບຄົນເຈັບ, ແຕ່ລະເທື່ອເຂົ້າປະເທດໄທບໍ່ໃຫ້ເກີນ 90 ວັນ ແລະຜູ້ທີ່ຕ້ອງການໄປປະເທດໄທຫຼາຍເທື່ອກໍສາມາດຕໍ່ວີຊາໄດ້ບໍ່ໃຫ້ກາຍ 1 ປີ.
ທັງນີ້,ຜູ້ຂໍວີຊາສາມາດຍື່ນຄຳຮ້ອງໄດ້ພາຍຫຼັງໄດ້ຮັບການຕິດຕໍ່,ຢືນຢັນການໄດ້ຮັບການປິ່ນປົວແລະວັນເວລາຂອງການປິ່ນປົວຈາກໜຶ່ງໃນຂະແໜງການປິ່ນປົວທີ່ກະຊວງສາທາລະນະສຸກໄທແຈ້ງການນັ້ນ ຫຼັງຈາກໄດ້ຮັບການອະນຸມັດແລ້ວຈຶ່ງສາມາດເດີນທາງໄປປິ່ນປົວຢູ່ໄທໄດ້.