ຜົນນັບບັດເບື້ອງຕົ້ນຂອງການເລືອກຕັ້ງປະທານາທິບໍດີອີຮານ

ເວລາ 9 ໂມງຂອງວັນທີ 20 ພຶດສະພານີ້ ຕາມເວລາທ້ອງຖິ່ນ, ສຳນັກງານໃຫຍ່ການເລືອກຕັ້ງອີຮານຖະແຫຼງວ່າ ຜົນການນັບບັດເບື້ອງຕົ້ນຂອງການເລືອກຕັ້ງປະທານາທິບໍດີຊຸດທີ 12 ຂອງປະເທດຕົນສະແດງໃຫ້ເຫັນວ່າ ທ່ານຣາຊັນ ຣູຮານີ ປະທານາທິບໍດີຄົນປັດຈຸບັນ, ຜູ້ສະໝັກຮັບເລືອກຕັ້ງຂອງຝ່າຍປະຕິຮູບໄດ້ຮັບຄະແນນສຽງຫຼາຍກວ່າໝູ່.

ປະຊາຊົນຜູ້ມີສິດເລືອກຕັ້ງຫຼາຍກວ່າ 40 ລ້ານຄົນໄດ້ເຂົ້າຮ່ວມການປ່ອນບັດເລືອກຕັ້ງປະທານາທິບໍດີເທື່ອນີ້. ຕາມກົດໝາຍອີຮານກຳນົດໄວ້ວ່າ: ປະທານາທິບໍດີກຳເນີດຈາກການປ່ອນບັດເລືອກຕັ້ງໂດຍກົງຂອງປະຊາຊົນ, ຜູ້ທີ່ໄດ້ຮັບຄະແນນສຽງຫຼາຍກວ່າເຄິ່ງໜຶ່ງກໍຈະໄດ້ຮັບໄຊຊະນະ.ຖ້າຫາກການປ່ອນບັດຮອບທຳອິດບໍ່ມີຄົນໄດ້ຮັບຄະແນນສຽງກາຍເຄິ່ງໜຶ່ງ, ຈະໃຫ້ຜູ້ສະໝັກຮັບເລືອກຕັ້ງສອງຄົນທີ່ໄດ້ຮັບຄະແນນສຽງຫຼາຍກວ່າໝູ່ນັ້ນແຂ່ງຂັນເປັນຮອບທີສອງ ແລະຜູ້ທີ່ໄດ້ຮັບໄຊຊະນະຕ້ອງໄດ້ຮັບການແຕ່ງຕັ້ງຈາກຜູ້ນຳສູງສຸດ.